मंचर: गॅस सिलिंडरच्या टंचाईमुळे तरकारी खरेदी रोडावली आहे. त्यामुळे बाजारभावात घसरण झाली. कृषी उत्पन्न बाजार समिती मंचर येथे रविवारी (दि.12) तरकारी शेतमालाची एकूण 7,991 डाग इतकी आवक झाली. तरकारी व फळ भाज्यांच्या बाजारभावात घसरण झाली असली, तरी लिंबूला दहा किलोंना 1100 रुपये उच्चांकी बाजारभाव मिळाला, अशी माहिती बाजार समितीचे सभापती नीलेश थोरात यांनी दिली. मंचर कृषी उत्पन्न बाजार समितीमध्ये लगतच्या पाच तालुक्यांतून विविध प्रकारची विक्रीसाठी येत असते.
शेतमालाला दहा किलोंना मिळालेला बाजारभाव पुढीलप्रमाणे:
कंसात डागाची आवक आणि मिळालेला बाजारभाव रुपयांत- लिंबू - (9) 400-1100, वाटाणा (41) 100-900, हिरवी मिरची (264) 70-581, लसूण (2) 200-500, टोमॅटो (131) 70-270, फ्लॉवर (2935) 10-100, बीट (1069) 20-201, घेवडा (73) 200-600, चवळी (42) 120-370, ढोबळी मिरची (224) 80-350, भेंडी (141) 80-401, फरशी (63) 50-500, तोंडली (61) 80-430, काकडी (1115) 10-150, वांगी (213) 15-150,
दुधी भोपळा (175) 20-130, आले (56) 150-400, मका (52) 70-120, वालवड (12) 420-470, राजमा (9) 550, पापडी (2) 460, गाजर (51) 80-150, बटाटा (116) 20-150, कोबी (443) 20-50, घोसाळी (29) 170, शेवगा (26) 100-430, दोडका-(79) 20-220, चिकू (19) 180-270, आवळा-(1) 300, कारले (99) 100-400, कैरी (98) 150-400, खरबूज (6) 100, रताळे (2) 50, गवार (263) 50-600, फापडा (3) 300, फणस (3) 200, डबल बी (2) 400, डांगर भोपळा (9) 60.
तरकारीच्या आवकेत घट झाली, तसेच तरकारी खरेदी करण्यासाठी गिऱ्हाईक नसल्यामुळे बाजारभावात घसरण झाली, असे बाजार समितीचे उपसभापती सचिन पानसरे यांनी सांगितले.
