पुणे: राज्यात मान्सून स्थिरावला असून, पुण्यासह बहुतांश जिल्ह्यांना हवामान विभागाने ‘यलो अलर्ट’ जारी केला आहे. ज्या जिल्ह्यांना यलो अलर्ट दिला, त्या भागात १ जुलैपर्यंत मेघगर्जना, सोसाट्याचा वारा आणि विजांच्या कडकडाटात हलका ते मध्यम स्वरूपाचा पाऊस पडणार असल्याचा अंदाज वर्तवण्यात आला आहे.
दोन दिवसांपूर्वीच मान्सूनने महाराष्ट्र व्यापला आहे. त्यानंतर राज्याच्या बहुतांश भागात विशेषत: कोकण, मुंबई तसेच विदर्भात मान्सूनच्या पावसाने जोरदार हजेरी लावली. आता मान्सून स्थिरावला आहे. काही भागांत आता खऱ्या अर्थाने पाऊस बरसण्यास सुरुवात झाली आहे.
या जिल्ह्यांना यलो अलर्ट
पुणे, ठाणे, मुंबई, रायगड, रत्नागिरी, सिंधुदुर्ग, नाशिक, नाशिक घाट, अहिल्यानगर, पुणे, पुणे घाट, कोल्हापूर, कोल्हापूर घाट, सातारा, सातारा घाट, सांगली, सोलापूर, छत्रपती संभाजीनगर, जालना, परभणी, बीड, हिंगोली, नांदेड, लातूर, धाराशिव, अकोला, अमरावती, बुलडाणा, चंद्रपूर, गडचिरोली, नागपूर, गोंदिया, वर्धा, वाशीम, यवतमाळ.
