अविनाश दुधवडे
चाकण : खेड कृषी उत्पन्न बाजार समितीच्या येथील महात्मा फुले मार्केट यार्डमध्ये कांदा, बटाटा, लसूण व डांगर भोपळ्याची भरपूर आवक झाली. पालेभाज्यांच्या बाजारात मेथी, पालक, कोथिंबीर, शेपूची उच्चांकी आवक होऊनही भाव तेजीत राहिले. राजगुरुनगर येथील बाजारात गाजर, रताळी, आद्रक, वाटाणा, वांगी, फ्लॉवर, फरशी, काकडी, भोपळा, भेंडी, गवार, टोमॅटो, कारली यांची आवक वाढली. एकूण उलाढाल 5 कोटी 20 लाख रुपये झाली.(Latest Pune News)
चाकण बाजारात कांद्याची एकूण 1 हजार 500 क्विंटल आवक झाली. कांद्याचा कमाल भाव 1,500 रुपयांवर स्थिरावला. बटाट्याची एकूण आवक 2,000 क्विंटल झाली. गेल्या शनिवारच्या तुलनेत बटाट्याची आवक 500 क्विंटलने वाढल्याने भावात 100 रुपयांची घट झाली. बटाट्याचा कमाल भाव 2,200 रुपयांवरून 2,100 रुपयांवर स्थिरावला.
लसणाची एकूण आवक 40 क्विंटल झाली. गेल्या शनिवारच्या तुलनेत आवक 10 क्विंटलने वाढली. लसणाचा कमाल भाव 6 हजार रुपयांवर स्थिरावला. हिरव्या मिरचीची एकूण आवक 355 क्विंटल झाली. हिरव्या मिरचीला 2 हजार रुपयांपासून 3 हजार रुपयांपर्यंत भाव मिळाला.
शेतीमालाची आवक व बाजारभाव पुढीलप्रमाणे : कांदा - एकूण आवक - 1,500 क्विंटल. भाव क्रमांक - 1. 1,500 रुपये, भाव क्रमांक 2. 1,000 रुपये, भाव क्रमांक 3. 800. बटाटा - एकूण आवक - 2,000 क्विंटल. भाव क्रमांक 1. 2,100 रुपये, भाव क्रमांक 2. 1,800 रुपये, भाव क्रमांक 3. 1,300 रुपये.
फळभाज्या : फळभाज्यांच्या बाजारात एकूण आवक क्विंटलमध्ये व प्रतिदहा किलोंसाठी मालाला मिळालेले भाव कंसात रुपयांत पुढीलप्रमाणे - टोमॅटो - 348 क्विंटल (1,000 ते 1,500), कोबी - 235 क्विंटल (1,000 ते 1,500), फ्लॉवर - 225 क्विंटल (1,000 ते 1,600), वांगी - 87 क्विंटल (2,000 ते 3,000), भेंडी - 98 क्विंटल (2,500 ते 3,500), दोडका - 76 क्विंटल (1,500 ते 2,500), कारली - 84 क्विंटल (1,500 ते 2,500), दुधीभोपळा - 62 क्विंटल (1,000 ते 2,000), काकडी - 70 क्विंटल (1,000 ते 2,000), फरशी - 16 क्विंटल (5,000 ते 7,000), वालवड - 48 क्विंटल (4,000 ते 6,000), ढोबळी मिरची - 152 क्विंटल (3,000 ते 5,000), चवळी - 32 क्विंटल (2,000 ते 3,000), वाटाणा - 13 क्विंटल (15,000 ते 17,000), शेवगा - 22 क्विंटल (5,000 ते 7,000), गाजर - 127 क्विंटल (2,500 ते 3,500), गवार - 30 क्विंटल (6,000 ते 8,000), आले - 175 क्विंटल (3,000 ते 4,500).
पालेभाज्या : पालेभाज्यांची एकूण आवक जुड्यांमध्ये व भाज्यांना मिळालेले भाव पुढीलप्रमाणे - मेथी - एकूण 13 हजार 450 जुड्या (1,000 ते 1,500 रुपये), कोथिंबीर - एकूण 28 हजार 550 जुड्या (500 ते 1,000 रुपये), शेपू - एकूण 2 हजार 640 जुड्या (800 ते 1,200 रुपये), पालक - एकूण 3 हजार 190 जुड्या (600 ते 800 रुपये).
जनावरे : जनावरांच्या बाजारात विक्रीसाठी आलेल्या 65 जर्सी गायींपैकी 55 गायींची विक्री झाली. (15,000 ते 70,000 रुपये), 90 बैलांपैकी 65 बैलांची विक्री झाली. (10,000 ते 40,000 रुपये), 190 म्हशींपैकी 170 म्हशींची विक्री झाली. (30,000 ते 80,000 रुपये), 7,000 शेळ्या - मेंढ्यापैकी 6 हजार 800 शेळ्यांची विक्री झाली.
