चाकण: खेड तालुक्यातील वाकी खुर्द परिसरात एका केटरिंग व्यावसायिकाला दोन मुलींची छेड काढल्याचा खोटा आरोप करून त्याच्याकडून २ लाख रुपये उकळण्याचा प्रयत्न झाल्याचा धक्कादायक प्रकार समोर आला आहे. फिर्यादीचे अपहरण करून त्याला मारहाण करण्यात आली. तसेच, धारदार शस्त्राचा धाक दाखवत खंडणीची मागणी केली.
याप्रकरणी चाकण उत्तर पोलिसांनी सनी वैजिनाथ उघडे (वय १९), अनिकेत पुरुषोत्तम ढोले (वय २१), रवी संतोष परघरमोल (वय १८) आणि प्रेम गिरीष अंकुश (वय २१) या चौघांना अटक केली आहे.
आरोपींनी फिर्यादीला फोन करून दोन मुलींची छेड काढल्याचा आरोप केला. या प्रकरणात पोलिसात तक्रार होऊ नये, यासाठी २ लाख रुपये द्यावे लागतील, अशी धमकी त्यांनी दिली. मात्र, फिर्यादीने पैसे देण्यास नकार दिल्यानंतर आरोपींनी त्याला जबरदस्तीने रिक्षात बसवून नेले.
आरोपींनी रोख ४५ हजार रुपये आणि ऑनलाइन व्यवहारातून १० हजार ९५० रुपये जबरदस्तीने उकळले. तसेच, फिर्यादीची दुचाकी ताब्यात घेऊन आणखी पैशांची मागणी केल्याचेही समोर आले आहे. याप्रकरणी चाकण उत्तर पोलिस ठाण्यात अपहरण, खंडणी, मारहाण, धमकी आणि शस्त्र कायद्यांतर्गत विविध कलमान्वये गुन्हा दाखल करण्यात आला आहे.
त्यानंतर आरोपींनी फिर्यादीला बेल्ट व हाताने मारहाण केली. तसेच, धारदार शस्त्राचा धाक दाखवून पैसे देण्यासाठी दबाव टाकला. एवढ्यावरच न थांबता त्यांनी फिर्यादीला त्याच्या केटरिंगच्या ग्राहकांकडे नेऊन पैसे आणण्यास भाग पाडल्याचा आरोप आहे.
