Ajit Pawar plane crash FIR
बंगळूर : अजित पवार अपघाती मृत्युप्रकरणी त्यांचे पुतणे आमदार रोहित पवार यांनी बंगळूरमधील शेषाद्रीपुरम उपविभागीय पोलिस ठाण्यात भारतीय नागरिक सुरक्षा संहिता २०२३ च्या कलम १७३ (१) अंतर्गत झीरो एफआयआर नोंदवला आहे. त्यानंतर कर्नाटक पोलिसांनी आता महाराष्ट्र पोलीस महासंचालकांना पत्र पाठवलं आहे.
आमादार रोहित पवार यांनी आपल्या तक्रारीत अपघातग्रस्त विमानाने दर पाच हजार तासांच्या उड्डाणानंतर जी दुरुस्ती-देखभाल गरजेची असते ती मुदत केव्हाच ओलांडून सुमारे ८ हजार तास उड्डाण केल्याचा संशय व्यक्त केला आहे. एफआयआरमध्ये म्हणण्यात आले आहे की, २८ जानेवारी २०२६ रोजी सकाळी ८.४३ ते ८.४५ च्या सुमारास व्हीएसआर व्हेंचर कंपनीच्या विमानातून अजित पवार मुंबईहून बारामतीला जात असताना झालेल्या अपघातात त्यांच्यासह चौघांचा मृत्यू झाला. उपमुख्यमंत्री अजित पवार यांना संपवण्याच्या उद्देशाने हा कट रचला गेला होता. त्यातूनच हा विमान अपघात घडला आहे.
या प्रकरणी गुन्हा दाखल झाल्यानंतर कर्नाटक पोलिसांनी महाराष्ट्र पोलीस महासंचालकांना पत्र पाठवले. अधिकारक्षेत्राच्या मुद्द्यावरून नोंदवलेला गुन्हा बारामती ग्रामीण पोलीस ठाणे येथे हस्तांतरित करण्याबाबत बाबत कर्नाटक पोलिसांचे हे पत्र आहे.
