निरा: रेल्वे हद्दीतील 62 अतिक्रमणांवर कारवाई

निरा : पुढारी वृत्तसेवा

पुणे – मिरज लोहमार्गावर पुरंदर तालुक्यातील निरा येथील नदीवरील रेल्वे पुलानजीकच्या रेल्वेच्या जागेच्या हद्दीत अतिक्रमण केलेल्या डोंबारी समाजाच्या गोपाळवस्तीतील 57 व मस्जिदजवळील 5 पक्की व साधे घरांची अतिक्रमणे रेल्वे प्रशासनाने बुधवारी (दि.25) दुपारी साडेअकरा वाजण्याच्या सुमारास काढली. दरम्यान, रेल्वे प्रशासनाने आधीच नोटिसा बजावल्याने लोकांनी उपयोगी असणारे साहित्य इतरत्र हलविल्यामुळे मोठे नुकसान टळले.

सोलापूर : पोलिसांकडून तब्बल 30.45 लाखांचा दंड

पुणे-मिरज लोहमार्गाचे दुहेरीकरण व रेल्वेस्थानकाच्या विस्तारीकरणाचे काम सुरू असल्याने रेल्वे प्रशासनाने गेली चार वर्षांपासून निरा येथील रेल्वेच्या जागेत अतिक्रमण करून घरे उभारलेल्या लोकांना नोटिसा बजावून जागा खाली करण्याच्या सूचना दिल्या होत्या. शुक्रवारी ( दि.20) अतिक्रमित असलेल्या घरांवर लाल रंगाच्या खुणा करून अंतिम नोटिसा चिकटविण्यात आल्या होत्या. अतिक्रमणे काढण्याची अंतिम तारीख 24 मे होती.

पुणे : दागिने लंपास करणारी टोळी जेरबंद ; तीन महिलांसह एकाला अटक

बुधवारी (दि.25) रेल्वेचे सिनिअर सेक्शन इंजिनिअर ओस्पाल सिंग यादव यांच्या नेतृत्वाखाली 20 कर्मचारी, आर. पी. एफ.चे पोलिस निरीक्षक, जी. आर. पी. पोलिस, स्थानिक पोलिस व दोन जेसीबी, एक ट्रॅक्टर ट्रॉलीच्या मदतीने गोपाळवस्तीतील 57 अतिक्रमित घरे व मस्जिद जवळील 5 अतिक्रमित घरांच्या अर्धवट राहिलेल्या भिंती भुईसपाट करून जागा सपाट केली.

गुरुवारी (दि.19) वाल्हा येथील व बुधवारी (दि.25) निरा रेल्वे हद्दीतील 62 अतिक्रमणे काढण्याची कारवाई केली. येत्या एक-दोन दिवसांत लोणंद येथील रेल्वेच्या हद्दीतील अतिक्रमणे काढण्यात येणार आहेत.
–ओस्पालसिंग यादव, सिनिअर सेक्शन इंजिनिअर (सिव्हिल वर्क)