अवकाळी पावसामुळे तुंबलेल्या ड्रेनेजचे पाणी परिसरातील रहिवाशांच्या घरात शिरत आहे. मोरी व स्वच्छतागृहांतून हे पाणी आत येत आहे. यामुळे अनेकांच्या घरातील संसारोपयोगी साहित्याचे नुकसान झाले आहे. रात्रीच्या वेळी कधीही मोरीमधून ड्रेनेजचे पाणी घरात येत असल्याने नागरिक त्रस्त झाले आहेत. बिलाल मशीदसमोरील वसाहतीत मुझफ्फर शेख, छाया सपकाळ, जन्नत सपकाल, आयशा हन्नुरे, रेहाना काझी, सलमा शेख, रफिक पिंजारे, बिस्मिला शेख, जाफर बागी, इरफान आलोरा, आलास मन्सुरी, नबिला अन्सारी, नसीर अन्सारी, सुलताना शेख, हजरा शेख या नागरिकांना या समस्येचा सामाना करावा लागत आहे.
