खडकवासला, नांदेड येथेही कुणबी दाखल्यांसाठी महसूल विभागाने शिबिराचे आयोजन केले आहे, अशी माहिती मंडल अधिकारी हिंदूराव पोळ यांनी दिली. 'तलाठी कार्यालयात लावण्यात आलेल्या नोंदीची माहिती घेऊन आवश्यक कागदपत्रांसह दाखल्यांसाठी अर्ज दाखल करावे,' असे आवाहन पोळ यांनी केले आहे. खानापूर येथे आयोजित शिबिरात शंभराहून अधिक युवक, मराठा समाजबांधव सहभागी झाले होते. खानापूरचे मंडल अधिकारी गौतम ढेरे यांनी मार्गदर्शन केले. माजी सरपंच शरद जावळकर, नारायण जावळकर, व्यापारी संघटनेचे नंदुकुमार जावळकर, प्रशांत दारवटकर, उमेश थोपटे, सुधाकर गायकवाड आदी उपस्थित होते.
