'दै. पुढारी'ने केवळ एका खेळामध्येच नाही, तर नऊ क्रीडाप्रकारांत केवळ महिलांसाठी क्रीडा स्पर्धा भरविलेल्या आहेत. अशा प्रकारचा उपक्रम राबविणारे माध्यम म्हणून 'दै. पुढारी' केवळ एकमेव आहे. अशा स्पर्धांमधून खेळाडूंना प्रोत्साहन मिळणार असून, विशेषतः न खेळणार्या मुलींनाही त्यापासून प्रेरणा मिळणार आहे. 'दै. पुढारी'ने अशाच स्पर्धा आगामी काळातही घेऊन महिलांना व्यासपीठ उपलब्ध करून द्यावे.
– शेखर चोपडे, सेनापती बापट शाखा व्यवस्थापक, लोकमान्य मल्टिपर्पज सोसायटी
'दै. पुढारी'ने गेल्या वर्षीही केवळ महिलांसाठी 'राईज अप' स्पर्धा भरविल्या होत्या. या वर्षी सलग दुसरे वर्ष असून, गेल्या वर्षापेक्षा महिलांची दुप्पट नावनोंदणी होऊन सहभाग वाढलेला आहे. 350 हून अधिक महिला-मुलींनी पुणे शहर, पिंपरी-चिंचवड आणि पुणे ग्रामीणमधून आपला सहभाग नोंदविला असून, 'दै. पुढारी' या स्पर्धांमधून सातत्य राखत आगामी काळात ही या स्पर्धा सुरूच ठेवून महिलांना व्यासपीठ उपलब्ध करून द्यावे.
– अनिरुध्द जोशी, कार्यकारी मंडळ सदस्य, पीडीएमबीए आणि मुख्य पंच
'दै. पुढारी'ने केवळ महिलांसाठी अशा प्रकारच्या स्पर्धा आयोजित करून महिलांना मोठे व्यासपीठ मिळवून दिले आहे. अशा स्पर्धांमधून नक्कीच महिलांना प्रोत्साहन मिळणार असून, हा स्तुत्य उपक्रम आहे. 'दै. पुढारी'ने आगामी काळातही असेच वेगवेगळे उपक्रम राबवावेत.
– सारिका गायकवाड, औंध शाखा व्यवस्थापक, लोकमान्य मल्टिपर्पज सोसायटी
