सुजित डोंगरजाळ हे मूळचे औरंगाबाद जिल्ह्यातील वैजापूर येथील बेंदवाडी गावातील रहिवासी, ते शेतकरी कुटुंबातील असून, सध्या ते पुणे आरटीओ कार्यालयात कार्यरत आहेत. आरटीओतील कामाकाजातून वेळ मिळाला की,डोंगरजाळ हे आपला छंद जोपासतात. त्यांनी 'एअर पिस्टल शूटिंग'चे प्रशिक्षण पिंपळे सौदागर येथे घेतले आहे. ऑक्टोबर 2019 मध्ये त्यांची सहायक प्रादेशिक परिवहन अधिकारी म्हणून नागपूर येथे प्रथम नियुक्ती झाली. त्यांना नेमबाजीचा छंद जोपासण्यासाठी त्यांच्या पत्नीचा मोठा पाठिंबा असतो, त्या डॉक्टर आहेत. छंद जोपासण्यासाठी घरातून मिळत असलेल्या पाठिंब्यामुळे नेमबाजी स्पर्धेत भाग घेण्यासाठी त्यांचा उत्साह अधिक द्विगुणित झाला आहे, असे डोंगरजाळ यांनी सांगितले.
