पुणे : पुढारी वृत्तसेवा : शहरात बोकाळलेल्या वेश्याव्यवसायामुळे महिलांना फिरणे अवघड झाले आहे. असाच एक प्रकार बंडगार्डन पोलिस ठाण्याच्या हद्दीत घडला आहे. शहरातील अनेक महत्त्वाच्या रस्त्यांवर सायंकाळी काही तरुणी, महिला ग्राहकांची वाट पहात थांबलेल्या दिसतात. त्यांच्याशी बोलून काहीजण त्यांना आपल्याबरोबर घेऊन जातात, त्यामुळे रस्त्यावरुन जाणार्या सर्व तशाच असतात, असा गैरसमज अनेक जण करून घेतात. त्याचा इतर महिलांना त्रास होऊ लागला आहे.
कॅम्प भागातील ब्लू नाईल चौकाकडून रेल्वे स्टेशनकडे जाणार्या रस्त्यावर एका महिलेला हा अनुभव आला. याबाबत एका 33 वर्षीय महिलेने बंडगार्डन पोलिस ठाण्यात फिर्याद दिली आहे. पोलिसांनी गुन्हा दाखल केला. फिर्यादी या बुधवारी रात्री साडेआठच्या सुमारास ब्लू नाईल चौकातून रेल्वे स्टेशनकडे पायी जात होत्या. पूना क्लबच्या गेटजवळ त्या आल्या असताना एक कार त्यांच्याजवळ आली. चालकाने काच खाली करून त्यांना 'चलती क्या, तेरे को दो हजार देता,' असे म्हणाला. पोलिस उपनिरीक्षक नळकांडे तपास करीत आहेत.
हे ही वाचा :
