पुणे, पुढारी वृत्तसेवा: कौटुंबिक वादातून एनडीएतील उच्चपदस्थ अधिकार्याला निवृत्त न्यायाधीश पत्नी, निवृत्त कर्नल सासरे यांच्याकडून मारहाण झाल्याप्रकरणी उत्तमनगर पोलिस ठाण्यात गुन्हा दाखल करण्यात आला आहे. त्या अधिकार्याला राहत्या घरात डांबुन ठेवत नोकरी घालविण्याची धमकी दिल्याचे तक्रारीत नमूद करण्यात आले आहे. मात्र, या प्रकरणात यापूर्वी पत्नीने देखील मेजर असलेल्या पती विरोधात छळ केल्याने 498 ची तक्रार दिल्याचे पोलिसांनी सांगितले. याप्रकरणी उच्च पदस्थ पदावर असलेल्या अधिकार्याने दिलेल्या तक्रारीवरून त्यांच्या पत्नीसह सासु-सासर्यांवर मारहाण, धमकावल्याप्रकरणी गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी हे एनडीएमध्ये मेजर आहे. तर पत्नी असलेल्या महिला या स्वेच्छा निवृत्त न्यायाधीश असून त्या एका लॉ कॉलेजमध्ये प्राध्यपकाचे काम करतात. तर त्यांचे वडील हे निवृत्त कर्नल आहेत. डिसेंबर 2022 मध्ये पती-पत्नीचा कौटुंबिक वाद झाल्यानंतर त्यांच्या पत्नी आणि सासु-सासर्यांनी फिर्यादी यांना राहत्या घरात डांबुन ठेवले. त्यांना कामावर जाण्यास अटकाव केला. तसेच जोरजोराने आरडाओरडा करत शिव्या देत त्यांची नोकरी घालवण्याची व कोर्ट मार्शल करण्याची धमकी देत मारहाण केल्याचे फिर्यादीत नमूद करण्यात आले आहे. या प्रकरणात यापूर्वी पत्नीनेही दिलेल्या तक्रारी संबंधीत उच्चपदस्थ अधिकार्यावर 498 नुसार गुन्हा दाखल करण्यात आला आहे. गुन्ह्याचा तपास गुन्हे निरीक्षक शबनम शेख करीत आहेत.
हेही वाचा:
