लोणावळा : ढाक बहिरीच्या सुळक्यावरुन पडून एका ट्रेकर्सचा मृत्यू

लोणावळा : राजमाची किल्ल्या लगतच्या ढाक बहिरीच्या सुळक्यावरुन पडून एका ट्रेकर्सचा मृत्यू झाल्याची दुःखद घटना शनिवारी दुपारी घडली. प्रतिक आवळे (रा. औरंगाबाद) असे या ट्रेकर्सचे नाव आहे.

ढाक बहिरी हा कर्जत व मावळ तालुक्याच्या मध्यावर असलेला उंच सुळका आहे. अनेक जण याठिकाणी ट्रेकिंगसाठी जात असतात. शनिवारी सकाळी प्रतीक आवळे, पंकज गावदाडे, सुजित लहाने, अभिषेक शेजुळ आणि सागर जैस्वाल हे 5 जण औरंगाबादहून ट्रेक साठी गेले होते. त्यातील प्रतीक आवळे याचा तोल गेल्याने तो खाली पडला आणि त्याचा दुर्दैवी मृत्यू झाला.

लता मंगेशकर : दीदींचा गोव्याशी विशेष ऋणानुबंध !

शनिवारी दुपारी 3.30 च्या सुमारास ही घटना घडली. त्यावेळी त्याठिकाणी ट्रेकिंगसाठी आलेल्या तुषार महाडिक व भारत रायकर या दोघांनी ही घटना बघितली. त्यांनी मृत प्रतीक आवळे व इतर चार जणांना व्यवस्थित जागेवर घेतले. या घटनेची माहिती समजताच संतोष दगडे व त्यांची टीम कर्जत तसेच स्थानिक गावकरी लगेच ढाक बहिरी जवळ पोहोचले तसेच यशवंती हायकर्स खोपोली ची टीम साहित्यासह ढाक च्या डोंगरावर पोहोचली.

सायंकाळी 6.30 वाजल्यापासून मृत प्रतीक व त्याचे सहकारी यांना कर्जत मधील सांडशी गावाच्या वाटेने खाली आणण्याचे प्रयत्न सुरू झाले. या मदतकार्यावेळी काळोख असल्याने तसेच पायवाट, डोंगर उतार व कड्याच्या बाजूची अरुंद जागा यातून सर्व ट्रेकर्स टीम व गावकरी यांनी प्रतीकचा मृतदेह व इतर चौघांना पहाटे 3.30 वाजता खाली सांडशी गावात आणले आणि त्यानंतर कर्जतला पाठवण्यात आले.

हेही वाचा

ढाक बहिरी सुळका

लोणावळा : ढाक बहिरीच्या सुळक्यावरुन पडून एका ट्रेकर्सचा मृत्यू

संबंधित बातम्या