याबाबत अधिक माहिती अशी की, रेल्वे सुरक्षा बलाचे सहाय्यक उपनिरीक्षक गणेश कुमरावत हे फलाट क्रमांक ४ वर रात्री बाराच्या सुमारास गस्त घालत असतांना घाबरलेल्या अवस्थेत एक अल्पवयीन मुलगा त्यांना फिरतांना मिळून आला. त्यांनी त्या मुलाल ताब्यात घेऊन त्याची चौकशी केली असता त्याने आपले नाव अदनान खलील खान (वय १४) रा. चंपा चौक, औरंगाबाद असे सांगितले. रेल्वे सुरक्षा बलाने अधिक चौकशी करून त्याच्या वडीलांचा मोबाईल क्रमांक मिळविला व त्यांच्याशी संपर्क साधून मुलगा मनमाड येथे असल्याचे कळवले.