Dhule Shirpur Highway accident
सोनगीर : धुळे -शिरपुर महामार्गावर वर्षी गावाजवळ भीषण अपघात घडला. या अपघातात सात वर्षीय चिमुकल्याचा मृत्यू झाला आहे. सुनील रतीलाल पावरा असे मृत बालकाचे नाव असून तो आपल्या आई वडिलांसह मोटरसायकल वरून मध्यप्रदेश कडे जात होता.
महामार्गावर एसटी बसने त्यांच्या मोटरसायकलला जोरदार धडक दिली. या अपघातात सुनील गंभीर जखमी झाला. त्याला तात्काळ रुग्णालयात दाखल करण्यात आले, मात्र उपचारा दरम्यान त्याचा मृत्यू झाला. अपघातात त्याचे आई-वडीलही जखमी झाले असून त्यांच्यावर उपचार सुरू आहेत.
अपघातानंतर एसटी बस चालकाने घटनास्थळावरून पळ काढली या घटनेमुळे परिसरात हळहळ व्यक्त केली जात असून महामार्गावरील सुरक्षेचा प्रश्न पुन्हा एकदा ऐरणीवर आला आहे. पोलिसांनी या प्रकरणी तपास सुरू केला असून फरार एसटी चालकाचा शोध घेतला जात आहे.
