दिंडोरी : पुढारी वृत्तसेवा
माजी उपमुख्यमंत्री अजित पवार यांची जयंती बुधवारी (दि. २२) अन्न व औषध प्रशासन तथा विशेष सहायता मंत्री नरहरी झिरवाळ यांच्या जनसंपर्क कार्यालयात साजरी करण्यात आली. या प्रसंगी राष्ट्रवादी काँग्रेसचे नेते गोकुळ झिरवाळ यांनी अजितदादांच्या कार्य आणि विचारांचा गौरव केला.
अजितदादा पवार हे शिस्तबद्ध व प्रशासनावरील मजबूत पकड आणि तत्पर निर्णयांसाठी ओळखले जातात. त्यांनी राज्याच्या विकासासाठी घेतलेले धोरणात्मक निर्णय आणि केलेले कार्य घराघरांत पोहोचवणे हीच सर्वांची खरी जबाबदारी आहे, असे त्यांनी सांगितले.
पवार यांच्या प्रतिमेला पुष्पहार अर्पण करून अभिवादन करण्यात आले. याप्रसंगी राष्ट्रवादीचे ज्येष्ठ नेते विश्वासराव देशमुख, भाजपचे ज्येष्ठ नेते चंद्रकांत राजे, माजी जिल्हा परिषद उपाध्यक्ष प्रकाश वडजे,
माजी उपनगराध्यक्ष कैलास मवाळ, राष्ट्रवादीचे तालुकाध्यक्ष राजेंद्र उफाडे, युवक तालुकाध्यक्ष कृष्णा मातेरे, जिल्हा परिषद माजी सदस्य अशोक टोंगारे, माजी सरपंच प्रीतम देशमुख, माजी उपनगराध्यक्षा शैला उफाडे,
हिरामण गावित, राष्ट्रवादीचे शहराध्यक्ष अनिकेत बोरस्ते, युवक शहराध्यक्ष प्रतीक जाधव, विकी घोलप, विक्रम मवाळ, सत्यजित राजे, रघुनाथ पाटील, नरेंद्र पेलमहाले, नगरसेवक दीपक जाधव, सलीम मिर्झा, जहिर शेख, प्रसाद जोशी आदींसह नागरिक उपस्थित होते.
