Delhi Student Lathicharge
धुळे : दिल्लीतील नीट पेपरफुटी प्रकरण आणि केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी आंदोलन करणाऱ्या विद्यार्थ्यांवर झालेल्या लाठीहल्ल्याच्या निषेधार्थ वंचित बहुजन आघाडीने धुळे बंदची हाक दिली. शहरात काढलेल्या मोर्चानंतर कराचीवाला खुट परिसरात ठिय्या आंदोलन करण्यात आले.
आंदोलकांनी केंद्र सरकारविरोधात घोषणाबाजी करत संविधानाने दिलेल्या आंदोलनाच्या अधिकाराचा उल्लेख केला. आंदोलनामुळे काही काळ वाहतूक विस्कळीत झाली. पोलिसांनी आंदोलकांना हटवल्यानंतर वाहतूक पूर्ववत झाली. या आंदोलनात वंचित बहुजन आघाडी व भीम आर्मीचे पदाधिकारी आणि कार्यकर्ते मोठ्या संख्येने सहभागी झाले. धुळे बंदला संमिश्र प्रतिसाद मिळाला.
यात वंचित बहुजन आघाडीचे संघटक शंकर खरात, बापू बागुल, योगेश पगारे, जितू शिरसाठ, साई खरात, आकाश बागुल, एकबाल तेली, नितीन म्हसदे, राहुल वाघ, रोहित बागुल, प्रणील महिरे, राज देसले, बॉबी नागमल, निलेश इंदवे, शुभम अहिरे आदी सहभागी झाले होते. वंचित बहुजन आघाडी व भीम आर्मीच्या कार्यकर्त्यांनी शहरातून मोर्चा काढला.
पिंपळनेर : नीट पेपरफुटी प्रकरणाचा निषेध आणि केंद्रीय शिक्षणमंत्री धर्मेंद्र प्रधान यांच्या राजीनाम्याच्या मागणीसाठी भारतीय युवक काँग्रेसच्या 'छात्रों की गूँज' अभियानांतर्गत साक्री तहसील कार्यालयासमोर काँग्रेस व युवक काँग्रेसने जोरदार निदर्शने केली. आंदोलकांनी केंद्र सरकारविरोधात घोषणाबाजी करत विद्यार्थ्यांवरील अन्यायाचा निषेध व्यक्त केला.
या आंदोलनात तालुका काँग्रेसचे अध्यक्ष भानुदास गांगुर्डे, माजी जिल्हाध्यक्ष प्रवीण चौरे यांच्यासह काँग्रेस व युवक काँग्रेसचे पदाधिकारी आणि कार्यकर्ते मोठ्या संख्येने सहभागी झाले.
या आंदोलनात साक्री तालुका युवक काँग्रेसचे अध्यक्ष सागर देसले, उपाध्यक्ष सचिन सूर्यवंशी, शहराध्यक्ष प्रज्योत देसले, गावित प्रदेश सचिव जयंतकुमार सोनवणे, जिल्हा महासचिव जयेश खैरनार यांच्यासह प्रकाश राऊत, सुनील बहिरम, कुंदन गांगुर्डे, संदीप भोये,रितेश नांद्रे, पीयूष नांद्रे आणि अनेक युवक काँग्रेसचे कार्यकर्ते मोठ्या संख्येने सहभागी झाले होते.
