Nashik Lasalgaon: पिन जनरेट करण्याच्या बहाण्याने घातला लाख रुपयांना गंडा

याप्रकरणी लासलगाव पोलीस कार्यालयात प्रकाश दौलत बोंडे (५६) रा. सुभाष नगर यांनी फिर्यादी दिली आहे.  बोंडे हे स्टेट बँक ऑफ इंडियाच्या एटीएम मध्ये पत्नीचे कार्ड घेऊन गेले. पत्नीच्या नावावरील एटीएम पिन जनरेट करत असतांना तेथे अगोदरच असलेल्या दोघांनी मदत करण्याच्या बहाण्याने दुसरेच एटीएम कार्ड देऊन सुमारे एक लाख पाच हजार ५५२ रुपयांची रक्कम काढून घेतल्याची घटना घडली.

याबाबत दिनांक ९ ऑगस्ट रोजी दिलेल्या फिर्यादीवरून दोन अनोळखींविरोधात लासलगाव पोलीस कार्यालयात भारतीय दंड विधान कलम ४२० व ३४ अन्वये गुन्हा दाखल झाला असून अधिक तपास लासलगावचे सहाय्यक पोलीस निरीक्षक राहुल वाघ करीत आहेत.

हेही वाचा :

• नगर : बाजार समिती आवारातले पाणी गाळ्यात घुसल्याने लाखोंचे नुकसान
• पुणे : मलठण येथील भीमा नदीपात्रात वाळू उपसा; ७२ लाखाचा मुद्देमाल जप्त
• पुणे : सोसायट्यांवरही 'तिरंगा' नियोजनासाठीच्या बैठका सुरू