'२५ वर्षापूर्वी भाजीपाला विक्री करणारा अचानक २५ हजार कोटींचा मालक होतो'
नाशिक ; पुढारी वृत्तसेवा : जिल्हा वार्षिक योजनेतील निधीवरून पालकमंत्री छगन भुजबळ यांच्यासोबत वाद असून महाविकास आघाडीचा हा वाद नाही. पालकमंत्री भुजबळ यांना निधी वाटपाचा अधिकार नसतानाही गैरप्रकारे निधी वाटप करून नांदगाव मतदार संघावर अन्याय केला आहे. तसेच निधीचे असमान वाटप करून त्यांनी ठेकेदारांना पैसे दिल्याचा आराेप शिवसेना आमदार सुहास कांदे यांनी केला. याचबरोबर २५ वर्षापूर्वी भाजीपाला विक्री करणारा अचानक २५ हजार कोटींचा मालक होतो असा टोला ही शिवसेना आमदार सुहास कांदे यांनी लगावला.
पालकमंत्री भुजबळ यांनी निधीचे असमान वाटप केले
शासकीय विश्रामगृहात झालेल्या पत्रकार परिषदेत आ. कांदे यांच्यासह शिवसेनेचे विजय करंजकर, सुधाकर बडगुजर, अजय बोरस्ते आदी पदाधिकारी उपस्थित होते.
आ. कांदे यांनी सांगितले की, जिल्हा नियोजन समितीतील निधीचा समान वाटप करणे आवश्यक असताना पालकमंत्री भुजबळ यांनी निधीचे असमान वाटप केले.
७५० ते ८०० कोटी रुपयांच्या निधीपैकी १२ कोटी रुपयांचा निधी नांदगावला तर ८० कोटींचा निधी येवला मतदार संघासाठी दिला.
त्यातही नांदगावच्या निधीमध्ये १२ पैकी १० कोटी रुपये गैरप्रकारे ठेकेदारांना दिले.
पालकमंत्र्यांनी अधिकार नसतानाही निधीचे असमान वाटप करून मतदार संघावर अन्याय केले आहेत.
- No Time to Die : सर्वाधिक हॉट सीन देणारा जेम्स बाँड कोण?
- Maharashtra ATS : इरफान शेख याला एटीएसकडून अटक
सर्वाधिक निधी समता परिषदेलाच दिला असून आम्ही उच्च न्यायालयात याविरोधात याचिका दाखल केली आहे. त्यात भुजबळ यांचे पालकमंत्री पद रद्द करण्याची मागणी केली आहे.
त्यामुळे हा लढा पक्षीय नसून अन्यायाविरोधात लढणारा शिवसैनिकाचा असल्याचेही आ. कांदे यांनी सांगितले.
शिवसेना आमदार सुहास कांदे म्हणतात धमकी देण्याचा भुजबळांचा पुर्वइतिहास
छोटा राजनचा पुतण्या अक्षय निकाळजे याने फोनवरून जीवे मारण्याची धमकी दिल्याचा आरोप आ. कांदे यांनी केला आहे.
यात छगन भुजबळ यांच्या सांगण्यावरून ही धमकी आल्याची चर्चा रंगल्यानंतर आ. कांदे यांनी सांगितले की, याआधीही मुंबईतील व्यावसायिक ललीत टेकचंदाणी यांना गँगस्टर अनिस कासकर याच्या हस्तकाने जीवे मारण्याची धमकी दिली होती.
त्यावेळी भुजबळ यांच्या सांगण्यावरून ही धमकी दिल्याची तक्रार आहे.
त्यामुळे भुजबळ यांचा धमकी देण्याचा पुर्वइतिहास असल्याचे कांदे यांनी सांगितले.
- Shahrukh Khan : शाहरूखचा ‘मन्नत’ बंगला आतून कसा दिसतो?
- नाशिक : गिरणा धरणातून ५००० क्युसेक्स विसर्ग सुरू (video)
शिवसेना आमदार सुहास कांदे म्हणतात भुजबळ हेच भाई युनिर्व्हसिटीचे प्राचार्य
‘मी कधीच भाई युनिर्व्हसिटीत गेलो नाही, अन या भाई युनिर्व्हसिटीचा मी कधीच विद्यार्थी नव्हतो’, जे भाई युनिर्व्हसिटीचे विद्यार्थी असतील त्यांची आपआपसात चर्चा होत असेल’ असा टोला पालकमंत्री छगन भुजबळ यांनी आ. कांदेना लगावला आहे. त्यास प्रतिउत्तर देताना आ. कांदे यांनी सांगितले की, भुजबळ हे भाई युनिर्व्हसिटीचा विद्यार्थी नाही प्राचार्य आहेत. तसेच त्यांच्याकडे आणखी एक पैसे कमवण्याची युनिर्व्हसिटी असून २५ वर्षापूर्वी भाजीपाला विक्री करणारा अचानक २५ हजार कोटींचा मालक होतो असाही टोला आ. कांदे यांनी लगावला.
गहु तांदुळ वाटप करणारा मंत्री…
पत्रकार परिषदेत माहिती देताना आ. सुहास कांदे यांनी सांगितले की, मी न्यायालयात उच्च न्यायालयात याचिका दाखल करीत निधी वाटपावरून दाद मागितली आहे. तसेच भुजबळ यांचे गहु तांदुळ वाटप करणारे मंत्री पद नव्हे तर पालकमंत्री पद रद्द करण्याची मागणी केली आहे.
- ‘ज्ञानेश्वर माउली’ : चिन्मय मांडलेकरची आळंदीला भेट (Photos)
- Petrol- Diesel Prices : पेट्रोल आणि डिझेल पुन्हा महागले
- Electric Car खरेदी केल्यास १० वर्षात १० लाखांची बचत