BREAKING News : नाशिकच्या नांदूर नाक्‍याजवळ बस आणि ट्रेलरचा भीषण अपघात; बस जळून खाक, 11 प्रवाशांचा मृत्यू
नाशिक ; पुढारी ऑनलाईन
नाशिकमध्ये नांदूर नाक्‍याजवळ खासगी बस आणि ट्रेलरचा भीषण अपघात झाला आहे. या अपघातामध्ये बसला भीषण आग लागली. या अग्नितांडवात संपूर्ण बस जळून खाक झाली आहे. सूत्रांनी दिलेल्या माहितीनुसार घटनेत 11 प्रवाशांचा मृत्यू झाल्‍याची भीती वर्तवली जात आहे. हा अपघात आज पहाटेच्या सुमारास झाला आहे.
यवतमाळहून मुंबईकडे निघालेल्‍या खासगी बसला हा अपघात झाला. यानंतर बसने पेट घेतला. नाशिकच्या नांदूर नाक्‍याजवळ हा अपघात घडला. या बसमध्ये अनेक प्रवासी असल्‍याची माहिती मिळत असून 11 प्रवाशांचा मृत्यू झाला आहे. दरम्यान घटनेची माहिती मिळताच अॅम्ब्यूलन्स दाखल झाली असून जखमींना उपचारासाठी रूग्‍णालयात दाखल करण्यात आले आहे.
मुख्यमंत्र्यांकडून मदतीची घोषणा
जखमींच्या उपचारात कुठलीही कमतरता भासू नये अशा सूचना मुख्यमंत्री एकनाथ शिंदे यांनी दिल्या आहेत. अपघातात मृत झालेल्यांच्या कुटुंबीयांना 5 लाख रुपयांची मदत मुख्यमंत्र्यांनी जाहीर केली आहे. तसेच अपघातातील जखमींवर शासकीय खर्चाने तातडीचे वैद्यकीय उपचार करण्याचे निर्देश मुख्यमंत्री एकनाथ शिंदे यांनी दिले आहेत. दरम्यान या अपघातानंतर मुख्यमंत्री एकनाथ शिंदे नाशिकमध्ये येण्याची शक्यता आहे.
Maharashtra: 10 people died & 21 injured after a bus coming from Yavatmal to Mumbai collided with a truck going to Pune from Nashik. All injured are being treated in Nashik. Govt will bear all medical expenses of the injured: Dada Bhuse, Guardian Min of Nashik to ANI
(File pic) pic.twitter.com/YKQramhbY7
— ANI (@ANI) October 8, 2022
हेही वाचा :
- दौंड तालुक्यावर भाजप, राष्ट्रवादीची करडी नजर; केंद्रीय अर्थमंत्री, खासदार, विरोधी पक्षनेते यांच्या दौर्‍याने चर्चेला उधाण
- कोल्हापूर-हैदराबाद ‘अलायन्स’ची विमानसेवा बंद होण्याच्या मार्गावर
Maharashtra | Nashik Police confirms that several people are feared to be dead as a bus caught fire in Nashik last night. Further details awaited. pic.twitter.com/s75A6RnYHO
— ANI (@ANI) October 8, 2022
नाशिक (महाराष्ट्र) येथील रस्ता अपघात हृदय पिळवटून टाकणारा आहे. या भीषण अपघातात ज्यांनी आपला जीव गमावला त्यांच्या कुटुंबियांप्रती मी माझ्या संवेदना व्यक्त करतो आणि जे जखमी आहेत, ते लवकरात लवकर बरे होवो अशी मी प्रार्थना करतो.
— Amit Shah (@AmitShah) October 8, 2022