नाशिकरोडला युवा बिल्डर ट्रकखाली सापडून ठार
नाशिकरोड : पुढारी वृत्तसेवा
नाशिक-पुणे महामार्गावर बिटको महाविद्यालयाजवळील गुरुद्वाराजवळ रस्ता ओलांडत असताना बांधकाम व्यावसायिक ट्रकखाली सापडून जागीच गतप्राण झाला.
राजेश दयाभाई पटेल (43, रा. गंधर्वनगरी) हे बांधकाम व्यावसायिक काही कामानिमित्त आले होते. त्यानंतर रस्ता दुभाजक ओलांडत असताना अचानक विरुद्ध दिशेने येणार्या ट्रकने त्यांना जोरदार धडक दिल्याने ते रस्त्यावर कोसळले व त्यांच्या अंगावरून चाक गेल्याने ते जागीच गतप्राण झाले.
अपघातानंतर दोन्ही बाजूंची वाहतूक मोठ्या प्रमाणात विस्कळीत झाली होती. त्यानंतर काही वेळातच शहर वाहतूक पोलिस अधिकारी व उपनगर पोलिस घटनास्थळी दाखल झाले व त्यांनी वाहतूक सुरळीत केली. या प्रकरणी उपनगर पोलिस ठाण्यात गुन्हा नोंदविण्यात आला. रहदारीच्या ठिकाणी वाहतूक पोलिसांची नियुक्ती करावी, अशी मागणी होत आहे.
हेही वाचा :
- नाशिक : आंतरजिल्हा बदल्यांसाठी बनावट वैद्यकीय प्रमाणपत्रे! रॅकेट उघडकीस
- अभियंता दिन विशेष : स्मरण विश्वेश्वरय्यांच्या कार्याचे
- काँग्रेस छोडो!