नाशिक : रेशन दुकानदारांच्या ई-पॉस मशीनच्या समस्या सोडवा; प्रधान सचिवांशी चर्चा

नाशिक : पुढारी वृत्तसेवा : ई-पॉस मशीनमधील समस्या तातडीने सोडवाव्यात, नेटवर्कची अडचण दूर करावी, रेशन कार्डधारकांसाठीची उत्पन्न मर्यादा वाढवावी आदी मागण्या रेशन दुकानदारांनी अन्न व पुरवठा विभागाचे प्रधान सचिव विजय वाघमारे यांच्याकडे केल्या. त्यावर याबाबत अन्न व पुरवठामंत्र्यांकडे पाठपुरावा करण्याचे आश्वासन वाघमारे यांनी दिले.

• दंगल पेटवणारे सहसा उच्चवर्णीय ब्राह्मणच असतात : सुजात आंबेडकर

मुंबई येथील मंत्रालयातील वाघमारे यांच्या दालनात ऑल महाराष्ट्र फेअर प्राइज शॉपकीपर फेडरेशनच्या सदस्यांची बैठक पार पडली. यात फेडरेशनच्या पदाधिकार्‍यांनी दुकानदारांच्या कमिशनमध्ये वाढ करावी, धान्य वितरणावेळी रेशनला तूट मंजूर करावी, राज्यात परवानाधारकांचे मोफत धान्याचे अनुदान त्वरित जमा करावे आदी मागण्या केल्या. बैठकीला सहसचिव धनंजय तुंगार, कक्ष अधिकारी नेत्रा मानकामे, अस्मिता पाटील, गणपत डोळसे-पाटील, बाबूराव ममाणे, निवृत्ती कापसे, शहाजी लोखंडे, विजय गुप्ता, आप्पासाहेब तोडकरी यांच्यासह पदाधिकारी उपस्थित होते.

हेही वाचा:

• नाशिक : 'या' कारणामुळे सिन्नरला इंजिनिअर असोसिएशनचा काम बंद आंदोलनाचा इशारा
• राज्यावरील वीज संकट गडद! ज्या ठिकाणी वीज चोरी त्या ठिकाणी भारनियमन : ऊर्जामंत्री नितीन राऊत
• वळसे पाटील म्हणाले, "झेड सुरक्षा असणारे सोमय्या कुठे आहेत, केंद्राला विचारणार"