जळगाव पुढारी वृत्तसेवा : पहूर येथील राजश्री कोटेक्स जवळ अज्ञात वाहनाच्या धडकेत मोटरसायकलस्वार जागीच ठार झाला असून त्याची पत्नी गंभीर जखमी झाली आहे.
पहूर येथील जामनेर रोड लगत असलेल्या राजश्री कोटेक्स जवळ दि. 27 च्या रात्री आठच्या सुमारास भीषण अपघात झाला. यात अज्ञात वाहनाच्या धडकेत मोटरसायकल क्रमांक एम. एच.०५ सी. डी.४०३२ वरील मोटारसायकल स्वार ज्ञानेश्वर पांडुरंग सोनवणे (वय ५०, राहणार शेंदुर्णी लिहा तांडा, ता. जामनेर) यांचा जागीच मृत्यू झाला. तर त्यांची पत्नी सरला ज्ञानेश्वर सोनवणे (वय ४५) या गंभीर जखमी झाल्या असून त्यांना पुढील उपचारासाठी जळगाव येथील जिल्हा रुग्णालयात हलविण्यात आले आहे. याबाबत रात्री उशिराने पहूर पोलीस स्थानकात गुन्हा नोंद करण्यात आला आहे.
