Mumbai Crime News: पवईतील एका धक्कादायक घटनेमुळं संपूर्ण राज्यात खळबळ उडाली आहे. एका ३२ वर्षाच्या वहिनीवर आपल्या १७ वर्षाच्या दिरावर खोटी रेपची केस दाखल करण्याची धमकी देत लैंगिक संबंध ठेवण्यासाठी जवळिकता साधल्या प्रकरणी गुन्हा दाखल झाला आहे.
मिळालेल्या माहितीनुसार, '३२ वर्षीय वहिनी अल्पवयीन दिराच्या मोबाइलवर अश्लील मेसेज करून भेटण्यासाठी दबाव टाकत होती. भेटायला न आल्यास आपले वडील पोलिस असून त्यांना सांगून तुझे वडील आणि आईला जेलमध्ये टाकण्याची धमकी दिली.
यानंतर दिराला खोटी रेप केस टाकून अडकवण्याचीही धमकी ३२ वर्षीय वहिनीने दिल्याचा आरोप मुलाने तक्रारीत केला आहे. तसेच घरी कोणी नसताना अल्पवयीन मुलाशी जबरदस्ती जवळीकता साधण्याचा प्रयत्न केल्याचा आरोपही मुलाने तक्रारीत केला आहे
या प्रकरणी पवई पोलिस ठाण्यात मुलाच्या आईच्या तक्रारीवरून ३२ वर्षीय महिलेवर गुन्हा दाखल केला आहे. या प्रकरणी पवई पोलिस अधिक तपास करत आहेत.
