Maharashtra Working Hours: महाराष्ट्रात कामगारांना आता आठवड्याचे सहा दिवस 12 तास काम करावे लागणार का?

कलम 51 मध्ये कामगारास कारखान्यात कोणत्याही दिवशी नऊ तासांहून अधिक तास काम करावयास लावता येणार नाही किंवा तशी मुभा देता येणार नाही, अशी तरतूद होती.

कारखाना तसेच आस्थापनांमध्ये कामाच्या दैनंदिन कमाल तासांमध्ये कोणत्याही दिवसाच्या मध्यंतराच्या अंतरासह 12 तासांपर्यंत वाढ करण्याची मुभा देण्यात आली आहे.

नाही. सरकारने सुधारित अधिनियमात काही अटींचाही उल्लेख केला आहे. यात असं स्पष्ट म्हटले आहे की, कोणत्याही आठवड्यात कामाचे तास अठ्ठेचाळीस तासांपेक्षा जास्त नसतील. आता समजा एखादा कर्मचारी हा आठवड्याला चार दिवस 12 तास काम केल्यास त्याचे 48 तास भरतात. सोप्या भाषेत आठवड्यात चार दिवस बारा तास काम करावे लागणार आहे. उर्वरित दिवस म्हणजेच पाचव्या, सहाव्या दिवसाची कर्मचाऱ्याला सशुल्क सुट्टी द्यावी लागणार आहे. याशिवाय आठवड्याची एक साप्ताहिक रजादेखील आहे.

हो. कारखान्यांना यासाठी राज्य सरकारची परवानगी घ्यावी लागणार आहे. तसेच अशा कामासाठी आणि कालावधीसाठी कर्मचाऱ्याकडूनही लेखी संमती बंधनकारक आहे.

सुधारित तरतुदीनुसार 12 तासांच्या कालावधीत कर्मचाऱ्याला पाच तासांनंतर अर्धा तास म्हणजेच 30 मिनिटे विश्रांती घेता येईल. तसेच 6 तासांनंतर पुन्हा 30 मिनिटे विश्रांती घेता येईल. म्हणजेच 12 पैकी एक तास हे विश्रांतीसाठी असतील.

अधिकच्या कामासाठी कारखान्यांना कामगारांना आर्थिक फायदा देणे बंधनकारक आहे, असं निर्णयात म्हटले आहे.

केंद्र सरकारने सर्व राज्य सरकारना Ease Of Doing Business साठी सूचना दिल्या आहेत. सध्याच्या नऊ तासांच्या मर्यादेमुळे कारखान्यांना अडचणींचा सामना करावा लागायचा.

तसेच आंतरराष्ट्रीय कंपन्या गुंतवणूक करण्यापूर्वी राज्यातील कामगार कायद्यांचा अभ्यास करतात आणि तरतुदींमध्ये लवचिकता आहे की नाही हे तपासतात.

या पार्श्वभूमीवर सरकारने कायद्यात दुरुस्तीचा निर्णय घेतला.