AI in Hiring Process Recruitment LinkedIn Research
मुंबई- मुंबईसारख्या वेगाने बदलणाऱ्या शहरात आता भरती प्रक्रियेसाठी एआय (कृत्रिम बुद्धिमत्ता) वापरण्याकडे कल वाढत आहे. स्मार्ट रिक्रुटमेंटसाठी विविध कंपन्या AI टुल्सचा वापर करत आहेत. मुंबईतील ५ पैकी ४ रिक्रूटर्स स्मार्टपणे, जलद हायर करण्यासाठी जवळपास ७० टक्के बजेट एआयमध्ये गुंतवत आहेत. देशभरातील आयटी व तंत्रज्ञान, बीएफएसआय, उत्पादनामधील कंपन्या हायरिंगला गती देण्यासाठी एआय-पॉवर्ड स्क्रिनिंग टूल्स आणि डेटा विश्लेषणाचा फायदा घेत आहेत, अशी माहिती 'लिंक्ड इन रिसर्च'मधून समोर आलीय.
मुंबई शहरात सध्या हा ट्रेंड सुरु आहे. जगातील सर्वात मोठे प्रोफेशनल नेटवर्क लिंक्डईन (LinkedIn) च्या नवीन संशोधनामधून निदर्शनास आले की, शहरातील ५ पैकी ४ (८३ टक्के) रिक्रूटर्स हायरिंगसाठी जवळपास ७० टक्के गुंतवणूक तंत्रज्ञान आणि एआयसारख्या टूल्समध्ये गुंतवत आहेत. एआय टूल्स कार्यक्षमता वाढवतात, रिक्रूटर्सना धोरणात्मक करिअर अडवायजर्स बनण्यास मदत करतात. रिक्रूटर्स मॅन्युअल टास्क्स कमी करत आणि उत्पादकता वाढवत वेळेची बचत करण्यासाठी एआयचा वापर करत आहेत.
लिंक्डईनच्या इंडिया हायरिंग (ROI) संशोधनामधून निदर्शनास आले की, मुंबईतील रिक्रूटर्स ‘फास्ट हायरिंग'वरून ‘दर्जात्मक हायरिंग'ला प्राधान्य देत आहेत. ‘क्वॉलिटी टॅलेंट'ची व्याख्या बदलत आहे, शहरातील ६७ टक्के रिक्रूटर्स टॅलेंटचा दर्जा ठरवताना प्रॅक्टीकल कौशल्यांना प्राधान्य देतात.
ॲडेको इंडियाचे व्यवस्थापकीय संचालक सुनिल चेमनकोटील म्हणाले, “आम्हाला टॅलेंट समूहामध्ये, तसेच त्यांच्या भूमिकांच्या स्वरूपामध्ये मुलभूत बदल होताना दिसत आहेत. जॉब फंक्शन्स बदलण्यासह हायब्रिड प्रोफाईल्स प्रमाणित होत असताना समकालीन जॉब टायटल्स उमेदवारांच्या संपूर्ण क्षमता दाखवण्यामध्ये अक्षम ठरत आहेत. लिंक्डईन रिक्रूटर २०२४ सारख्या प्रगत टूल्ससह आम्ही आता महत्त्वपूर्ण कौशल्यांमधील पदे ओळखू शकतो, जी महत्त्वाची आहेत. यामुळे आम्हाला योग्य टॅलेंटचा शोध घेण्यास मदत होते, ज्यांच्याकडे पूर्वी दुर्लक्ष करण्यात आले असावे.''
वेगवेगळ्या क्षेत्रांमध्ये टॅलेंटमधील तफावत असणे हे प्रमुख आव्हान आहे. भारतभरात उत्पादन (६६ टक्के) आणि आयटी व तंत्रज्ञान (६२ टक्के) यांसारखी क्षेत्रे टॅलेंटचे मापन करताना कौशल्यांना अधिक प्राधान्य देतात. पण, उत्पादनामधील रिक्रूटर्स म्हणतात की, टेक्निकल व सॉफ्ट स्किल्सचे (६९ टक्के) योग्य कर्मचारी सापडणे आव्हानात्मक आहे, तर आयटी व तंत्रज्ञान कंपन्यांना दर्जात्मक उमेदवार शोधण्यासाठी (६९ टक्के) आव्हानांचा सामना करावा लागत आहे. मुंबईतील ग्लोबल कॅपेबिलिटी सेंटर्स (जीसीसी) साठी, स्थानिक पातळीवर कुशल टॅलेंट हायरिंग करताना मर्यादित प्रशिक्षण संधी (५६ टक्के) आणि टॉप टॅलेंटकरिता उच्च स्पर्धा (५५ टक्के) मोठी आव्हाने निर्माण करतात.
भारतातील लिंक्डईन टॅलेंट सोल्यूशन्सच्या प्रमुख रूची आनंद (Ruchee Anand, Head of LinkedIn Talent Solutions in India) म्हणाल्या, “मुंबईतील डायनॅमिक व झपाट्याने विकसित होत असलेल्या टॅलेंट क्षेत्रात या बदलाची भर पडली आहे. पदवीपेक्षा कौशल्यावर भर देण्यात आलीय.''
भारतभरात आयटी व तंत्रज्ञान सारखी क्षेत्रे एआय-पॉवर्ड स्क्रिनिंग टूल्स (७१ टक्के) आणि डेटा विश्लेषणाच्या (७४ टक्के) माध्यमातून हायरिंगला गती देत आहेत, असेच ट्रेण्ड बँकिंग, वित्तीय सेवा व विमा (६१ टक्के, ७१ टक्के) आणि उत्पादनामध्ये (५८ टक्के, ६२ टक्के) दिसून येत आहेत. मुंबईतील ४५ टक्के रिक्रूटर्स म्हणतात की, एआय कार्यक्षमता वाढवते आणि ४१ टक्के रिक्रूटर्स म्हणतात की, त्यांना वारंवार कराव्या लागणाऱ्या कामाचा भार कमी झाला आहे.
एआयचा अवलंब वाढत असताना मुंबईतील ९२ टक्के रिक्रूटर्सना त्यांच्या पदांमध्ये ‘धोरणात्मक करिअर सल्लागार' म्हणून पदोन्नती होण्याची अपेक्षा आहे आणि ९४ टक्के रिक्रूटर्स उमेदवारांशी अधिक कार्यक्षमपणे संलग्न होण्यासाठी वैयक्तिकृत कंटेंट व डेटा माहितीचा वापर करण्याची योजना आखत आहेत.
लिंक्डईनचे एआय-पॉवर्ड टूल्स रिक्रूटर्सना उच्च प्रतिसाद दरांसह दर्जेदार उमेदवार जलदपणे हायर करण्यास मदत करण्यासाठी डिझाईन करण्यात आले आहेत. रिक्रूटर २०२४ (Recruiter 2024) हे लिंक्डइनचे पहिले जनरेटिव्ह एआय हायरिंग टूल आधीच हायर्सना दर्जेदार उमेदवारांसोबत कार्यक्षमतपणे कनेक्ट होण्यास मदत करत आहे. लिंक्डईनचे पहिले एआय एजंट हायरिंग असिस्टंट (Hiring Assistant) सोर्सिंग व स्क्रिनिंग यांसारखी वारंवार करावी लागणारी कामे स्वयंचलित करते. हायरिंग व्यवस्थापकांना सल्ला देणे, उमेदवारांची मुलाखत घेणे, उमेदवारांच्या योग्यतेचे मूल्यांकन करणे आणि उत्तम टॅलेंट तयार करणे, अशी कामे सहजतेने पार पाडली जातात.
