Maharashtra Task Force : आयएमएच्या महाराष्ट्र शाखेकडून टास्क फोर्सची स्थापना
मुंबई ; पुढारी वृत्तसेवा : राज्यातील वाढत्या कोरोना रुग्णसंख्येच्या पार्श्वभूमीवर इंडियन मेडिकल असोसिएशनने (आयएमए) महत्त्वाचे पाऊल उचलले आहे. इंडियन मेडिकल असोसिएशनच्या महाराष्ट्र शाखेने एका टास्क फोर्सची स्थापना केली आहे. या टास्क फोर्सद्वारे कोरोना बाधितांवरील उपचार तसेच औषधी याविषयीची माहिती देण्यात येणार आहे. (Maharashtra Task Force)
या टास्क फोर्समध्ये राज्यातील नामवंत डॉक्टर तसेच आरोग्य क्षेत्रातील तज्ज्ञ व्यक्तींचा समावेश आहे. घरात विलगीकरणातील रुग्णांनी नेमके काय करावे ? त्यांनी कोणती काळजी घ्यावी, याची माहिती दिली जाणार आहे.
तसेच एखाद्या व्यक्तीला कोरोनाची बाधा झाली असेल तर त्याच्या कुटुंबातील, सोसायटीतील आणि आजूबाजूच्या लोकांनी स्वतःची कशी काळजी घ्यावी, याचे मार्गदर्शनही टास्क फोर्स करणार आहे.
राज्यातील कोरोना विषाणू संसर्गामुळे निर्माण झालेल्या स्थितीची आढावा बैठक राज्याचे उपमुख्यमंत्री मा.ना.अजितदादा पवार यांच्या अध्यक्षतेखाली आज मंत्रालयात पार पडली.कोविड टास्क फोर्सचे सदस्यांसोबत आरोग्य उपाययोजनांसंदर्भात सविस्तर चर्चा केली. pic.twitter.com/EmBjXwXCG2
— Rajesh Tope (@rajeshtope11) January 5, 2022
Maharashtra Task Force : टास्क फोर्समध्ये कोणाचा समावेश
या टास्क फोर्समध्ये डॉ. रमण गंगाखेडकर, डॉ. राहुल पंडित, डॉ. अर्चना पाटे, डॉ. अनिला मॅथिव्ह, डॉ. भाविन झंकारिया, डॉ. संजय मानकर, डॉ. भक्ती सारंगी, डॉ. अविनाथ फडके, डॉ. सुप्रिया अमेय, डॉ. अरुणा पुजारी, डॉ. संगीता चेक्कर, डॉ. शशांक जोशी, डॉ. हर्षद लिमये तज्ज्ञ डॉक्टरांचा समावेश आहे.
कॉन्टॅक्ट ट्रेसिंगवर भर देत चाचण्यांची संख्या वाढविण्याचे तसेच आरोग्य यंत्रणेने सज्ज राहण्याचे व इतर विभागांनी त्यांच्याशी समन्वयाने काम करण्याचे उपमुख्यमंत्री मा.ना.अजितदादा पवार यांनी निर्देश दिले.
यावेळी मुख्य सचिव देबाशिष चक्रवर्ती सह संबंधित विभागातील अधिकारी उपस्थित होते. pic.twitter.com/EhSlQHWTi9— Rajesh Tope (@rajeshtope11) January 5, 2022