डोंबिवली : रेल्वे स्थानकात 'एमएसएफ' जवानांनी वाचवले महिलेचे प्राण
डोंबिवली : पुढारी वृत्तसेवा
धावती रेल्वे पकडण्याच्या नादात फलटावर पडलेल्या प्रवासी महिलेला ‘एमएसएफ’ जवानांनी वाचवले. ह्रदयाचा ठोका चुकवणारी ही घटना ३ डिसेंबर रोजी सकाळी ०९.१५ वाजण्याच्या सुमारास घडली.
नेहमीप्रमाणे प्रवासी महिला कामाला जाण्यासाठी डोंबिववली स्थानकात आली. फलाट क्रमांक ५ वर छत्रपती शिवाजी महाराज टर्मिनसला जाणारी रेल्वे आली. काही क्षणात रेल्वेने सुरू झाली. धावती रेल्वे पकडत असताना महिला फलटावर पडली. फलाट व रेल्वेमध्ये असलेल्या गॅपमध्ये महिला जाण्यापूर्वी कर्तव्यावर असणारे एमएसएफ जवान विवेक पाटील आणि किरण राऊत यांनी तत्परता दाखवून महिलेचे प्राण वाचवले. याबद्दल त्यांचे सर्वत्र कौतूक होत आहे.
