Cabinet Decisions | वृद्ध साहित्यिक, कलाकारांना सरसकट ५ हजार रुपये मानधन, राज्य मंत्रिमंडळाचा निर्णय
पुढारी ऑनलाईन : वृद्ध साहित्यिक व कलाकारांना सरसकट ५ हजार रुपये मानधन देण्याचा निर्णय आज शनिवारी (दि.१६) राज्य मंत्रिमंडळाने घेतला आहे. याबाबतची माहिती मुख्यमंत्री एकनाथ शिंदे यांनी पत्रकार परिषदेत दिली. जनतेच्या हिताचे आज निर्णय घेतल्याचे त्यांनी सांगितले. ऑटो रिक्षा, टॅक्सी चालकांसाठीच्या कल्याणकारी मंडळासाठी ५० कोटी रुपयांचे अनुदान देण्यात येणार आहे. तसेच राज्य पोलीस दलात आर्टिफिशियल इंटेलिजन्सचा वापर करण्याबाबतही राज्य मंत्रिमंडळाने निर्णय घेतला असल्याचे मुख्यमंत्री शिंदे यांनी सांगितले. (Cabinet Decisions)
राज्य पोलीस दलात आर्टिफिशियल इंटेलिजन्सचा वापर करणारे महाराष्ट्र हे देशातील पहिले राज्य असल्याचे उपमुख्यमंत्री देवेंद्र फडणवीस म्हणाले. यावेळी उपमुख्यमंत्री अजित पवार उपस्थित होते.
राज्य मंत्रिमंडळ निर्णय (Cabinet Decisions)
- राज्य शिखर संस्थेच्या कळंबोलीतील इमारतीसाठी शुल्क माफी.
( उद्योग विभाग) - तात्पुरत्या स्वरूपातील ६४ वैद्यकीय अधिकाऱ्यांना नियमित करणार.
(वैद्यकीय शिक्षण विभाग) - मालमत्ता विद्रूपीकरणासाठी आता एक वर्षाचा कारावास. दंड सुद्धा वाढविला.
(गृह विभाग) - १३८ जलदगती न्यायालयांसाठी वाढीव खर्चाला मान्यता.
(विधि व न्याय) - संस्कृत, तेलुगू, बंगाली साहित्य अकादमी स्थापणार.
(सांस्कृतिक कार्य) - शासकीय, निमशासकीय जागांवर आता मोफत चित्रीकरण.
(सांस्कृतिक कार्य) - विणकर समाजासाठी आर्थिक विकास महामंडळ. ५० कोटी भागभांडवल.
( इतर मागास) - पुण्यश्लोक अहिल्यादेवी महाराष्ट्र शेळी व मेंढी विकास महामंडळाच्या भाग भांडवलात भरीव वाढ.
( पशुसंवर्धन विभाग) - हाताने मैला उचलण्याच्या प्रथेचे उच्चाटन करणार. रोबोटिक स्वच्छता यंत्रे असलेली “मॅनहोलकडून मशीनहोल” कडे योजना.
(सामाजिक न्याय विभाग) - संगणक गुन्हे तातडीने निकाली निघणार. सेमी ऑटोमेटेड प्रोसेसिंग प्रकल्प राबविणार.
( गृह विभाग) - राज्य पोलीस दलात आर्टिफिशियल इंटेलिजन्सचा वापर करणार.
( गृह विभाग) - ऑटो रिक्षा, टॅक्सी चालकांसाठी कल्याणकारी मंडळ. ५० कोटी अनुदान.
(परिवहन विभाग) - भुलेश्वरची जागा जैन इंटरनॅशनल ऑर्गनायझेशनला जिमखान्यासाठी वाटप.
(महसूल विभाग) - संगणकीय न्याय सहाय्यक विज्ञान उत्कृष्टता केंद्र उभारणार. गुन्ह्यांची वेगाने उकल करणार.
(गृह विभाग) - वृद्ध साहित्यिक व कलाकारांना ५ हजार रुपये मानधन.
(सांस्कृतिक कार्य) - राजपत्रित अधिकारी महासंघाच्या कल्याण केंद्रासाठी 20 कोटी अतिरिक्त निधी मंजूर.
(सामान्य प्रशासन विभाग) - श्रीगोंदा तालुक्यातील शेती महामंडळाची जमीन एमआयडीसीला हस्तांतरित
(महसूल व वन)
मुख्यमंत्री @mieknathshinde यांच्या अध्यक्षतेखाली आज झालेल्या राज्य मंत्रिमंडळाच्या बैठकीत विविध महत्त्वाचे निर्णय घेण्यात आले. उपमुख्यमंत्री @Dev_Fadnavis , उपमुख्यमंत्री @AjitPawarSpeaks यांच्यासह मंत्रिमंडळातील सदस्य उपस्थित होते.
👉 मंत्रिमंडळ बैठकीतील संक्षिप्त निर्णय :… pic.twitter.com/6JAwAc86An
— CMO Maharashtra (@CMOMaharashtra) March 16, 2024
हे ही वाचा :