जलयुक्त शिवारला बदनाम करणाऱ्यांचे "दात घशात गेले!" : आमदार अँड आशिष शेलार
जलयुक्त शिवार योजनेला बदनाम करणाऱ्या महाराष्ट्र विकास आघाडीने या योजनेची चौकशी करुन स्वतःच आपले दात आपल्या घशात घातले, अशा प्रकारचे चित्र आहे अशी प्रतिक्रिया भाजप नेते आमदार अॅड आशिष शेलार यांनी दिली.
ते पुढे म्हणाले की, जलयुक्त शिवार योजनेच्या चौकशीसाठी समिती नियुक्त करण्यात आली. त्यावेळी आघाडीकडून आरोप करण्यात आले होते की, या योजनेच्या कामात गुणवता नाही, सिंचन क्षमता वाढली नाही, पारदर्शकता नाही.
मग चौकशी अंती आता तुमच्या जलसंधारण विभागाने काय उत्तर दिली? जलयुक्त शिवारमुळे संरक्षित सिंचनाची व्यवस्था झाली. नगदी पिकांमध्ये शेतकऱ्यांची कमाई वाढली. लागवडीचा क्षेत्रफळ वाढले, भूगर्भातील पाण्याची पातळी वाढली, यासाठी जी टेक्नॉलॉजी वापरली होती आणि फोटो जीओ मँपिंग केले गेले. त्यात गुणवत्ता आणि पारदर्शकता ठेवली गेली, आणि याच्यामध्ये गावकऱ्यांची सहभागिता होती.
मग या सगळ्या गोष्टी जलसंधारण विभाग चौकशीअंती बोलत असेल तर केवळ अहंकारापोटी आणि राजकीय द्वेषापोटी तुम्ही या जलयुक्त शिवारला बदनाम केलं. हे सिध्द होते. राजकीय व्देषातून आघाडी सरकारने महाराष्ट्राच्या शेतकऱ्यांचा अपमान केला, शेतकऱ्यांचे नुकसान केले, आता तुमचेच दात तुमच्या घशात गेले ना? असा सणसणीत टोला आमदार अॅड आशिष शेलार यांनी आघाडी सरकारला लगावला आहे.
हेही वाचलत का?
- Sameer Wankhede मुस्लिम की हिंदू! वडिलांनी केला खुलासा
- Pegasus Case: ‘पेगासस हेरगिरी’च्या चौकशीसाठी सर्वोच्च न्यायालयाकडून समितीची स्थापना
- T20 World Cup : ‘ही’ कामगिरी केल्‍यास भारताचा सेमिफायनलचा मार्ग हाेईल सुकर
आणि हरभजन म्हणाला, ‘फिक्सर को सिक्सर थेट मैदानाच्या बाहेर, चल आता निघ येथून’ https://t.co/NRgKtV53th #harbhajansingh #pudharionline
— Pudhari (@pudharionline) October 27, 2021