Mumbai News : जुहू कोळीवाडा समुद्रात ६ बुडाले; दोघांना वाचवण्यात यश

By:Sonali Jadhav Published on: June 13, 2023, 7:50 AM

मुंबई : पुढारी वृत्तसेवा : जुहू कोळीवाडा येथे सोमवारी सायंकाळी पाच वाजण्याच्या सुमारास पोहण्यासाठी उतरलेले सहा जण पाण्याचा अंदाज न आल्यामुळे बुडाले. यातील दोघांना स्थानिक मच्छीमारांच्या मदतीने वाचवण्यात यश आले. मात्र चार जण गायब असून नौदल व अग्रिशमन दलामार्फत शोध घेण्यात येत आहे. (Mumbai News)

Mumbai News : हेलिकॉप्टरचा वापर !

जुहू कोळीवाडा येथे बुडालेल्या मुलांचा शोध घेण्यासाठी नौदलाच्या हेलिकॉप्टरचा वापर करण्यात आला. दरम्यान बुडालेली मुले वाकोला, सांताक्रुझ येथील आहेत.

बुडालेल्या मुलांची नावे

जय रोशन ताजबरिया, वय १५
मनीष योगेश ओगानिया, वय १२
शुभम योगेश ओगानिया, वय १५
धर्मेश वालजी फौजिया, वय १६

बिपरजॉय चक्रीवादळामुळे समुद्रकिनाऱ्यावर जाणे टाळावे, असा इशारा मुंबई महानगरपालिकेने दिला आहे. तरीही सोमवारी सायंकाळी पाच वाजण्याच्या सुमारास १२ ते १५ वयोगटातील मुले जुहू कोळीवाडा येथे समुद्रात उतरली. ही मुले समुद्रात अर्धा किलोमीटर दूरवर पोहोचली. दरम्यान समुद्राच्या पाण्याचा अंदाज न आल्यामुळे पाचही मुले समुद्रात बुडाली. यातील दोघांना स्थानिक मच्छीमारांच्या मदतीने बाहेर काढण्यात आले. या घटनेची माहिती मिळताच अग्रिशमन दलासह नौदलाला पाचारण करण्यात आले. त्यांनी शोधमोहीम सुरू केली. रात्री ११ वाजता ती थांबवण्यात आली. समुद्रात भरती-ओहोटीमुळे शोधकार्यात अडचणी येत असल्याचे पालिकेकडून सांगण्यात येत आहे. दरम्यान घटनास्थळी रुग्णवाहिकेसह पोलीस, अग्रिशमन दल, मुंबई महानगरपालिकेचे कर्मचारी समुद्रकिनारी तैनात करण्यात आले आहेत.

#UPDATE | Two of the five people who went missing in the sea at Juhu Beach in Mumbai yesterday, have been rescued. One of the five people died, search for the remaining two is underway.

— ANI (@ANI) June 13, 2023

Maharashtra | Today 6 people drowned in the sea at Juhu Beach. Out of 6 people, 2 were rescued by public members and 4 people are still missing. Search operation is in progress: Brihanmumbai Municipal Corporation

— ANI (@ANI) June 12, 2023

हेही वाचा