वस्त्रोद्योग आयुक्त कार्यालय हलविण्याचा निर्णय नाही : उपमुख्यमंत्री फडणवीस

मुंबई; पुढारी वृत्तसेवा :  मुंबईतील वस्त्रोद्योग आयुक्तालयाचे कार्यालय नवी दिल्ली येथे हलविण्याचा निर्णय केंद्र सरकारने घेतलेला नाही, असे उपमुख्यमंत्री देवेंद्र फडणवीस यांनी आज ( दि. २१)  विधानसभेत स्पष्ट केले.

विधानसभेत उपस्थित झालेल्या या मुद्द्यावर निवेदन करताना उपमुख्यमंत्री फडणवीस म्हणाले की, वस्त्रोद्योग आयुक्त आणि ५ अधिकाऱ्यांना दिल्लीला येण्यास सांगितले आहे. वस्त्रोद्योग मंत्रालयाची फेरबांधणी आणि या क्षेत्राला अधिक चालना देण्यासाठी ही व्यवस्था करण्यात आली आहे. या आयुक्तालयात ५०० अधिकारी-कर्मचारी आहेत. त्यामुळे संपूर्ण आयुक्तालय दिल्लीत हलवण्याचा निर्णय केंद्र सरकारने घेतला, असे म्हणणे चुकीचे आहे. मुंबईतील वस्त्रोद्योग आयुक्त कार्यालय दिल्लीला हलविण्याचा कोणताही निर्णय झालेला नाही. असे उपमुख्यमंत्री देवेंद्र फडणवीस यांनी विधानसभेत स्पष्ट केले.

हेही वाचलंत का ? 

• …तर सभागृहाचा अवमान समजून कारवाई केली जाईल : विधानसभा अध्यक्ष ॲड, राहुल नार्वेकर
• धुळे : आमदार फारुख शाह यांच्या प्रश्नांचे निराकरण करणार; गृहमंत्री यांचे सभागृहात विवेचन
• केंद्रीय मंत्री नितीन गडकरी यांच्या कार्यालयात पुन्हा धमकीचे फोन