Heat wave: राज्यातील काही जिल्ह्यांसह कोकण किनारपट्टी, गोव्याला उष्णतेच्या लाटेचा इशारा

पुढारी ऑनलाईन: गेल्या काही दिवसांपासून महाराष्ट्रात अनेक ठिकाणी अवकाळी पावसाचा फटका बसला. याचा मानवी आरोग्य आणि शेतीवर देखील गंभीर परिणाम दिसून आला. त्यानंतर IMD ने 8 आणि 9 मार्च रोजी कोकण किनारपट्टीलगत गोवा आणि महाराष्ट्रातील काही जिल्ह्यांमध्ये उष्णतेच्या लाटेचा इशारा दिला आहे.

हवामान विभागाने दिलेल्या माहितीनुसार, राज्यातील कोकण विभागासह गोव्यातील तापमान २ ते ३ अंशाने वाढणार असून, येथील हवामानात उष्णता जाणवणार आहे. तर मध्य भारत आणि संपूर्ण राज्यात पुढचे दोन दिवस ४ ते ६ अंशाने तापमानात वाढणार असल्याचा अंदाज देखील हवामान विभागाने वर्तवला आहे.

हेही वाचा:

• Heat wave | 'एल निनो'चा धोका; देशात यंदा उष्णतेचा प्रकोप होणार! हवामान तज्ज्ञांचा इशारा
• Heat Wave In Vidarbha : विदर्भात उष्णतेचा तीव्र लाटेचा अलर्ट; पुढील ५ दिवस महत्त्वाचे
• ocean heat waves : समुद्री उष्ण लहरी वाढल्या; मान्सूनवर प्रतिकूल परिणाम