मॉरीशसचे परराष्ट्रमंत्री ॲलन गानू यांनी घेतली उपमुख्यमंत्री फडणवीस यांची भेट
मुंबई; पुढारी वृत्तसेवा : मॉरीशसचे परराष्ट्रमंत्री ॲलन गानू यांनी आज उपमुख्यमंत्री देवेंद्र फडणवीस यांची सदिच्छा भेट घेतली. यावेळी उपमुख्यमंत्री यांचे सचिव डॉ. श्रीकर परदेशी, विशेष कार्य अधिकारी कौस्तुभ धवसे उपस्थित होते.
उपमुख्यमंत्री देवेंद्र फडणवीस म्हणाले, मॉरीशस आणि भारत या दोन्ही देशांमध्ये अनेक वर्षांपासूनचे मैत्रीचे संबंध आहेत. हे संबंध अधिक दृढ होण्यासाठी सांस्कृतिक देवाणघेवाण होणे गरजेचे आहे. मॉरीशसमधील मराठी बांधवांसाठी आणि मराठी संस्कृतीच्या जतन आणि संवर्धनासाठी नक्कीच भरीव सहकार्य करण्यात येईल. विविध क्षेत्रातील परस्पर सहकार्य अधिक वृद्धिंगत करण्यासाठीही भरीव प्रयत्न करण्यात येतील. सहकार्याची नवीन क्षेत्रं शोधण्यावरही भर देण्यात येणार असल्याचे फडणवीस यांनी सांगितले.
त्यानंतर मॉरीशसचे परराष्ट्रमंत्री ॲलन गानू म्हणाले, भारत आणि मॉरीशसचे मैत्री संबंध जुने आहेत. दोन्ही देशांमध्ये विविध क्षेत्रात सहकार्य आहे. ते अजून वृद्धींगत करण्यास मॉरीशस उत्सुक आहे. मॉरीशसमध्ये भारतीय आणि विशेषतः मराठी बांधव मोठ्या प्रमाणावर आहेत. विविध उपक्रमांद्वारे ते मराठी संस्कृतीचे जतन करत आहेत. विविध क्षेत्रातील अत्याधुनिक तंत्रज्ञान आणि तज्ज्ञाचीही मॉरीशसला गरज असल्याचेही मॉरीशसचे परराष्ट्रमंत्री गानू यांनी सांगितले. मॉरीशस येथे उभारण्यात आलेल्या छत्रपती शिवाजी महाराजांच्या पुतळ्याचे अनावरण करण्यासाठी उपमुख्यमंत्री फडणवीस यांना यावेळी निमंत्रित करण्यात आले होते.
मॉरीशसचे परराष्ट्रमंत्री ॲलन गानू यांनी उपमुख्यमंत्री @Dev_Fadnavis यांची सदिच्छा भेट घेतली. #मॉरीशस आणि #भारत या दोन्ही देशांमध्ये अनेक वर्षांपासूनचे मैत्रीचे संबंध आहेत. हे संबंध अधिक दृढ होण्यासाठी सांस्कृतिक देवाणघेवाण होणेही गरजेचे आहे – उपमुख्यमंत्री pic.twitter.com/MDeeYqJZWY
— MAHARASHTRA DGIPR (@MahaDGIPR) March 8, 2023
हेही वाचलंत का ?
- Pm Modi On Tourism: पर्यटनाला चालना देण्यासाठी पंतप्रधान मोदींचा नवा ‘मंत्र’; मंत्रालयाकडून काम सुरू
- Earthquake in Kachchh: गुजरातच्या कच्छमध्ये भूकंपाचे धक्के
- शेतकऱ्यांच्या डोळ्यात पाणी, सरकार मात्र होळी, धुलवड खेळण्यात मग्न; नाना पटोले