राज्यातील सत्तांतरानंतर गॅस दरवाढ, यावरुन जनतेने... : महेश तपासे
मुंबई; पुढारी वृत्तसेवा : एकीकडे महाविकास आघाडीतील ५० आमदार फोडले आणि दुसरीकडे महाराष्ट्रात सत्ता स्थापन करताच भाजप सरकारने घरगुती गॅस सिलिंडरमध्ये ५० रुपयांची दरवाढ केली आहे. यावरुन जनतेने काय तो निष्कर्ष काढावा? असा चेंडू राष्ट्रवादी काँग्रेसचे राज्य मुख्य प्रवक्ते महेश तपासे यांनी जनतेच्या कोर्टात भिरकावला आहे.
महाविकास आघाडीतील शिवसेनेच्या ५० आमदारांचे बंड आणि एकनाथ शिंदे व देवेंद्र फडणवीस यांचे सरकार आल्यावर लगेचच केंद्र सरकारने घरगुती गॅस सिलिंडरमध्ये ५० रुपयांची दरवाढ केली आहे. दोन्हीकडे ५० बंडखोर आमदार आणि ५० रुपयांची गॅस सिलिंडर दरवाढ हे आकडे काहीतरी संकेत देत आहेत, असेही महेश तपासे म्हणाले.
महाराष्ट्रातील महाविकास आघाडी सरकार पाडण्यासाठी एक मोठ्या अदृश्य शक्तीने बंडखोर आमदारांवर जो काही खर्च केला असेल. तो खर्च गॅस दरवाढीतून वसूल केला जात आहे का? अशी शंका आता जनतेतून व्यक्त व्हायला लागली आहे, असेही महेश तपासे यांनी म्हटले आहे.
मुख्यमंत्री एकनाथ शिंदे यांनी आमचं सरकार आलंय आम्ही पेट्रोल – डिझेलवरील कर कमी करु, असा दिलासा देण्याचे वक्तव्य केलेले असतानाच दुसरीकडे भाजपने घरगुती गॅस सिलिंडरमध्ये दरवाढ केल्याने जनतेतून आश्चर्य व्यक्त होत असल्याचे तपासे यांनी म्हटले आहे.
एकीकडे महाविकास आघाडीतील ५० आमदार फोडून दुसरीकडे महाराष्ट्रात सत्ता स्थापन करताच @BJP4India सरकारने घरगुती गॅस सिलेंडरमध्ये ₹५० रुपयांची दरवाढ केली आहे, यावरुन जनतेने काय तो निष्कर्ष काढावा? @NCPspeaks@BJP4Maharashtra @abpmajhatv@zee24taasnews @TV9Marathi @News18lokmat pic.twitter.com/kfqTlXHaNP
— Mahesh Bharat Tapase महेश भारत तपासे (@maheshtapase) July 6, 2022
हेही वाचलंत का ?