मुंबई; पुढारी ऑनलाईन : शिवसेनेच्या ५५ पैकी ३९ आमदारांचे पाठबळ असलेल्या शिंदे गटालाच विधानसभा अध्यक्ष राहुल नार्वेकर यांनी मान्यता दिली. त्यांनी मुख्यमंत्री एकनाथ शिंदे यांच्या गटनेतेपदावर शिक्कामोर्तब केले आहे. शिवसेनेचे अजय चौधरी यांचे गटनेतेपद आणि सुनील प्रभू यांचे मुख्य प्रतोदपदही रद्द ठरवले. मुख्यमंत्री एकनाथ शिंदे हेच शिवसेनेचे गटनेते आहेत. या गटाने नियुक्त केलेले भरत गोगावले हे शिवसेनेचे मुख्य प्रतोद असल्याचा निर्णय नार्वेकर यांनी दिला काल रविवारी दिला होता. दरम्यान, एकनाथ शिंदे गटाच्या शिवसेनेचे मुख्य प्रतोद भरत गोगावले यांनी व्हीपचे उल्लंघन केल्याप्रकरणी पक्षाच्या १६ आमदारांच्या निलंबनासाठी विधानसभा अध्यक्षांकडे याचिका दाखल केली आहे. या प्रकरणी १६ आमदारांना निलंबनाची नोटीस बजावली जाईल, अशी माहिती विधानसभा अध्यक्ष कार्यालयाकडून मिळाली आहे.
रविवारी विधानसभा अध्यक्ष निवड झाल्यानंतर आज सोमवारी शिंदे- फडणवीस सरकारची (Shinde and Fadnavis led Maharashtra govt) विधानसभेत बहुमत चाचणी (Maharashtra floor test) होणार आहे. काल झालेल्या विधानसभा अध्यक्ष निवडणुकीत भाजपचे ॲड. राहुल नार्वेकर बहुमताने विजयी झाले. त्यांना १६४ मते मिळाली. तर त्यांच्या विरोधात उभे असलेले राजन साळवी यांना १०७ मते मिळाली. दरम्यान, या निवडणुकीत त्यांनाच मत देण्यासाठी शिवसेना पक्षाने आपले सर्व आमदार तसेच सहयोगी आमदारांना व्हीप बजावला होता. हा व्हीप पक्षाच्या उर्वरित १६ आमदारांना देखील लागू असेल, असे व्हीपमध्ये म्हटले होते. तर दुसरीकडे शिंदे गटाच्या आमदारांनी भाजपच्या राहुल नार्वेकर यांच्या बाजूने मतदान करून शिवसेनेचा व्हिप पाळला नाही.
दरम्यान, शिवसेनेच्या ५५ पैकी ३९ आमदारांचे पाठबळ असलेल्या शिंदे गटालाच विधानसभा अध्यक्ष राहुल नार्वेकर यांनी मान्यता दिली आहे. त्यांनी मुख्यमंत्री एकनाथ शिंदे यांच्या गटनेतेपदावर शिक्कामोर्तब केले आहे. शिवसेनेचे अजय चौधरी यांचे गटनेतेपद आणि सुनील प्रभू यांचे मुख्य प्रतोदपदही रद्द ठरवले आहे. परिणामी, आज सोमवारी होणार्या शक्तिपरीक्षेत शिंदे गटाच्या आदेशानुसार शिवसेनेला सरकारच्या बाजूनेच मतदान करावे लागेल. शिवसेना नेते आदित्य ठाकरेंसह सेनेच्या सर्व आमदारांना शिंदे गटाचाच व्हिप बंधनकारक राहील. अन्यथा त्यांची आमदारकी रद्द होऊ शकते.
मुख्यमंत्री एकनाथ शिंदे हेच शिवसेनेचे गटनेते आहे. या गटाने नियुक्त केलेले भरत गोगावले हे शिवसेनेचे मुख्य प्रतोद असल्याचा निर्णय नार्वेकर यांनी दिला. तसे पत्र विधिमंडळ सचिवालयाने मुख्यमंत्री शिंदे यांना रात्री पाठवले. या निर्णयामुळे शिवसेनेला मोठा हादरा बसला. शिवसेनेचे अजय चौधरी यांचे गटनेतेपद आणि सुनील प्रभू यांचे मुख्य प्रतोदपद ओघानेच रद्द झाले आहे. विधानसभा अध्यक्षांच्या या निर्णयाचे थेट परिणाम सोमवारी होणार्या शक्तिपरीक्षेत दिसतील.
