राजकीय संकटातच कोरोनाची भर, राज्यपाल भगतसिंह कोश्यारी यांना कोरोनाची लागण
मुंबई; पुढारी ऑनलाईन : महाराष्ट्राचे राज्यपाल भगतसिंह कोश्यारी यांना कोरोनाची लागण झाली आहे. त्यांना रिलायन्स रुग्णालयात दाखल करण्यात आल्याचे वृत्त आहे. राज्यात एकीकडे राजकीय घडामोडी वेगाने सुरु आहेत. या राजकीय संकटातच कोरोनाची भर पडली आहे.
राज्यपालांची कोरोना चाचणी पाॅझिटिव्ह आल्याने त्यांना मुंबईतील एचएन रिलायन्स फांउडेशन रुग्णालयात दाखल करण्यात आले आहे. तेथे त्यांच्या उपचार सुरु असल्याची माहिती सुत्रांनी दिली आहे.
देशातील कोरोना रुग्णसंख्येत चढ-उतार सुरु आहे. गेल्या २४ तासांत कोरोनाचे १२,२४९ नवे रुग्ण आढळून आले आहेत. तर १३ जणांचा मृत्यू झाला आहे. देशातील रुग्णसंख्या वाढल्याने देशातील सक्रिय रुग्णसंख्या ८१,६८७ वर पोहोचली आहे. कालपासून सक्रिय रुग्णसंख्येत २,३७४ ने वाढ झाली असल्याचे दिसून आले आहे.
Maharashtra Governor Bhagat Singh Koshyari admitted to HN Reliance Foundation hospital, Mumbai today for #COVID19 treatment: Sources
(File photo) pic.twitter.com/8KE8dplZua
— ANI (@ANI) June 22, 2022