वाशीम; पुढारी वृत्तसेवा : समाजामध्ये शांतता व सुव्यवस्था नांदावी व कायद्याचे राज्य अबाधित राखावे यासाठी वाशिम जिल्हा पोलीस दल सदैव दक्ष असून कायद्याचे पालन न करणाऱ्यांविरोधात सतत कडक कायदेशीर कारवाईचा सपाटा सुरु आहे. काही असामाजिक घटक समाजाची शांतता भंग करण्यासाठी व जनतेमध्ये दहशत निर्माण करण्यासाठी शस्त्रांचा वापर करतात. त्याच्याविरोधात शस्त्र अधिनियम कायद्यानुसार कारवाई करण्यात येते.
या पार्श्वभूमीवर जिल्हा पोलीस अधीक्षक बच्चन सिंह (IPS) यांच्या सूचना व मार्गदर्शनाखाली विनापरवाना घातक धारदार शस्त्र बाळगत समाजामध्ये धाक, दहशत निर्माण करण्याचा प्रयत्न केल्याप्रकरणी वाशिम शहरातील दोन आरोपी व कारंजा शहरातील एका आरोपीविरुद्ध कारवाई करण्यात आली आहे.
(दि.२८) रोजी पो.स्टे.कारंजा शहर हद्दीतील तुळजाभवानी नगरातील एक २१ वर्षीय युवक धारदार शस्त्रे बाळगत असल्याची माहिती मिळाल्यावरून कॉम्बिंग ऑपरेशन राबवून कारंजा शहरातील तुळजाभवानी नगरातील युवकाकडून एक लोखंडी धातूची धारदार तलवार, लोखंडी कोयता व लोखंडी रॉड असे घातक शस्त्रे पंचासमक्ष जप्त केले. हत्यार बाळगल्यापक्रणी त्याच्यावर कारवाई करण्यात आली आहे. तर (दि.२६) रोजी पो.स्टे.वाशिम शहर हद्दीत स्थानिक गुन्हे शाखेच्या पथकाने शस्त्र अधिनियम कलमांअन्वये कारवाई करत ०२ युवकांकडून एक लोखंडी धातूची धारदार तलवार विनापरवाना बाळगत असतांना जप्त करून त्यांच्यावर पो.स्टे.वाशिम शहर येथे कारवाई केली आहे.
सदरच्या कारवाया जिल्हा पोलीस अधीक्षक बच्चन सिंह(IPS) यांच्या मार्गदर्शनाखाली पो.नि.सोमनाथ जाधव, स्थानिक गुन्हे शाखा, वाशिम यांचे पथक व पो.स्टे.कारंजा शहर येथील पोलीस अधिकारी व अंमलदार यांनी पार पाडल्या. नागरिकांनी अश्याप्रकारे विनापरवाना शस्त्र बाळगीत समाजामध्ये भीतीचे वातावरण निर्माण करू पाहणाऱ्या इसमांविरुद्ध न घाबरता समोर येऊन तक्रार देण्याचे आवाहन वाशिम जिल्हा पोलीस अधीक्षक बच्चन सिंह (IPS) यांनी केले आहे.
हेही वाचा;
