परभणी : मंगरुळ येथे स्वाभिमानाचा रास्ता रोको

मानवत; पुढारी वृत्तसेवा: शेतीला दिवसा वीजपुरवठा करण्याच्या मागणीसाठी स्वाभिमानी शेतकरी संघटनेच्या वतीने शुक्रवारी (दि. ४ ) रोजी तालुक्यातील मंगरुळ पाटीवर दुपारी १ वाजण्याच्या सुमारास रास्तारोको आंदोलन करण्यात आले.

याबाबत माहिती अशी की, शेतकऱ्यांना शेतीसाठी दिवसा १० तास वीज मिळावी आणि थकीत वीज बिलापोटी वीज कनेक्शन तोडणी तात्काळ थांबवावी यासह अनेक मागण्यासाठी स्वाभिमानी शेतकरी संघटनेचे संस्थापक अध्यक्ष माजी खासदार राजू शेट्टी यांनी कोल्हापूर येथे धरणे आंदोलन सुरू केले आहे. त्या आंदोलनाला पाठिंबा म्हणून मानवत तालुक्यातील मंगरुळ  येथे रास्ता रोको करण्यात आला.

• दिशा मृत्यू प्रकरण : न्यायालयाकडून राणे पिता-पुत्राला अटकेपासून दिलासा

घटनास्थळी विजवितरणचे उपअभियंता एन. व्ही. उईके, ग्रामीण अभियंता आर. जी. बिराजदार, एस. यु. गिरी यांनी भेट देऊन यावेळी निवेदन स्वीकारले.

• ICC Womens World Cup : रोमहर्षक सामन्यात विंडिजचा न्यूझीलंडवर 3 धावांनी विजय!

या आंदोलनात स्वाभिमानीचे तालुकाध्यक्ष हनुमान मसलकर, आदिनाथ डुकरे, महेश कदम, लक्ष्मण काळे, तुलसीदास काळे, तुकाराम धोत्रे, अनंता आमटे, विठ्ठल चोखट, बाळू डुकरे आदीजण सहभागी झाले होते. याच दरम्यान रास्ता रोकोमुळे दोन तास वाहतूक व्यवस्था विस्कळीत झाली होती.

हेही वाचलंत का? 

• सांगली : भीषण अपघातात कार चारशे फुटांवर जाऊन आदळली, कोल्हापूरचे डॉ. अरूण मोराळे जागीच ठार
• जळगाव : चक्क पोलिस निरीक्षकाच्या घरावरच चोरट्यांचा डल्ला ; दागिन्यांसह रोकड लंपास
• चंद्रपूर : मनपा नगरसेवकावर अज्ञान युवकांचा प्राणघातक हल्ला