Nanded accident : धर्माबाद येथे भीषण अपघात; दुचाकी चालक लोडिंग टारस गाडीखाली आल्याने जागीच ठार

धर्माबाद : येथील समता नगर परिसरात गुरुवारी (दि. ७ ऑगस्ट) रात्री सुमारे ८:३० वाजेच्या सुमारास एक भीषण अपघात घडला. संभाजी वाघमारे हे सम राळेकर यांच्या दुचाकीवरून (क्रमांक: AP3AJ9882) समता नगर मार्गाने जात असताना, विरुद्ध दिशेने येणाऱ्या लोडिंग टारस गाडीखाली (क्रमांक: HR50GB3091) आल्याने हा अपघात झाला.

या जोरदार धडकेत दुचाकी चालक संभाजी वाघमारे यांचा जागीच मृत्यू झाला. अपघात इतका जबरदस्त होता की, दुचाकी चालकाला वाचवण्याची कोणतीही संधी मिळाली नाही. अपघातानंतर परिसरात मोठ्या प्रमाणात गर्दी जमली होती.

घटनेची माहिती मिळताच धर्माबाद पोलीस तात्काळ घटनास्थळी दाखल झाले. पोलिसांनी अपघातग्रस्त वाहने ताब्यात घेतली असून, पुढील तपास सुरू आहे.