नांदेड ः पंजाब व दिल्ली येथे खुन, फायरींग, धमकी असे गुन्हे करुन नांदेड मध्ये लपून बसल्याची माहिती मिळाली होती. त्यानुसार सेंट्रल एजेन्सीचे अधिकारी व दिल्ली येथील स्पेशल सेलची टिम नांदेडमध्ये आली. या टिमने नांदेडच्या स्थानिक गुन्हे शाखेच्या टिमच्या मदतीने या गुन्हेगारास नांदेडच्या बांदाघाट परिसरातून अटक केली आहे.
या बाबत अधिक माहिती अशी की, पंजाब राज्यातील जि. होशीयारपूर येथील अर्शदिपसिंग जविंदरसिंग वय 27 हा अट्टल गुन्हेगार पंजाब व दिल्ली येथे दोन खुनाचे गुन्हे, फायरींग व धमकी अशा सहा गुन्हयात दिल्ली व पंजााब पोलीसांना हवा होता. तो अनेक दिवसांपासून पोलीसांना हातावर तुरी देऊन पसार होत होता.
अर्शदिपसिंग आता नांदेड मध्ये असल्याची खात्रीलायक माहिती सेंट्रेल ऐजन्सीची टिम व दिल्लीची स्पेशल सेलच्या टिमला मिळाली या दोन्ही टिम नांदेडमध्ये आल्या. त्यांनी नांदेडच्या स्थानिक गुन्हे शाखेचे पोलीस निरीक्षक उदय खंडेराय यांच्या पथकाची मदत घेऊन अर्शदिपसिंगला बांदाघाट परिसरातून अटक केली आहे.
