Two trips of the Purna-Jalna special train cancelled
जालना, पुढारी वृत्तसेवा परिचालन विषयक कारणांमुळे दक्षिण मध्य रेल्वेने पूर्णा-जालना आणि जालना-पूर्णा विशेष रेल्वेच्या प्रत्येकी एक फेरी रद्द करण्याचा निर्णय घेतला आहे. त्यामुळे या मार्गावरील प्रवाशांनी प्रवासाचे नियोजन करताना आवश्यक खबरदारी घेण्याचे आवाहन रेल्वे प्रशासनाने केले आहे.
रेल्वे प्रशासनाने दिलेल्या माहितीनुसार, गाडी क्रमांक ०७०५७ पूर्णा-जालना विशेष ही १२ जुलै रोजीची नियोजित फेरी रद्द करण्यात आली आहे. तसेच गाडी क्रमांक ०७०५८ जालना-पूर्णा विशेष ही दि. १६ जुलै रोजीची नियोजित फेरीदेखील रद्द राहणार आहे.
या निर्णयामुळे प्रवाशांची होणारी गैरसोय लक्षात घेऊन दक्षिण मध्य रेल्वेने दिलगिरी व्यक्त केली आहे. या मार्गान प्रवास करणाऱ्या प्रवाशांनी रेल्वे चौकशी सेवा, हेल्पलाईन किंवा अधिकृत रेल्वे संकेतस्थळावरून या बाबतची अद्ययावत माहिती घेऊनच प्रवासाचे नियोजन करावे, असे आवाहन दक्षिण मध्य रेल्वे, नांदेड मंडळाच्या जनसंपर्क विभागाने केले आहे.
