Jalna News: Badnapur to soon receive filtered water under the Amrut-2 scheme
बदनापूर, पुढारी वृत्तसेवा : अमृत-२ योजनेअंतर्गत बदनापूर शहरासाठी सुरू असलेल्या फिल्टर पाणीपुरवठा योजनेचे काम अंतिम टप्प्यात आले असून, सोमठाणा येथील अप्पर दुधना तलावातील विहिरीतून पाण्यावर प्रक्रिया करून शहराला फिल्टर पाणीपुरवठा लवकरच सुरू होणार आहे. शहरातील रेल्वे स्टेशन रोड, मार्केट कमिटी, आनंदनगर व एकतानगर या चार ठिकाणी मोठ्या क्षमतेच्या जलकुंभांची उभारणी करण्यात आली आहे.
योजनेतर्गत पाइपलाइन तसेच चारही जलकुंभांचे काम पूर्ण झाले असून, सध्या योजनेच्या टेस्टिंगची प्रक्रिया करण्यात येणार आहे. टेस्टिंग यशस्वी झाल्यानंतर शहरातील नागरिकांना नवीन नळ कनेक्शनद्वारे फिल्टर पाणीपुरवठा करण्यात येणार आहे.
दरम्यान, या कामाची आमदार नारायण कुचे, नगराध्यक्ष चित्राताई पवार, मुख्याधिकारी विशाल पाटील व संतोष पवार यांनी प्रत्यक्ष पाहणी केली. यावेळी संबंधितांकडून योजनेच्या कामाची माहिती घेण्यात आली. यावेळी अधिकारी यांची उपस्थिती होती.
