पिंपळगाव रेणुकाई : भोकरदन तालुक्यातील पिपळगाव रेणुकाई येथे मंगळवारी मोठा बैलांसह जनावरांचा बाजार भरतो. खरीप हंगामाच्या तोंडावर बाजारात बैलजोडी खरेदीसाठी मोठया संख्येने शेतकऱ्यांनी गर्दी केली होती. बाजारात 80 हजारापासुन दिड ते दोन लाखापर्यंत बैलजोडी विकल्या गेली.यामुळे बाजारात मोठी उलाढाल झाल्याचे वृत्त आहे.गतवर्षीच्या तुलनेत यावर्षी मोठी वाढ झाल्याचे चित्र पहावयास मिळाले.
खरीप हंगामाच्या तोंडावर येथील मंगळवारच्या आठवडी बाजारात बैलांची मोठ्या प्रमाणात खरेदी-विक्री झाली. पेरणीची लगबग सुरू असल्याने परिसरातील शेतकऱ्यांनी बैलजोडी खरेदीसाठी गर्दी केली होती.
मंगळवारी सकाळपासूनच बाजार मैदानात शेतकरी व व्यापाऱ्यांनी गर्दी केल्याने बाजार फुलून गेला होता. बाजारात 800 ते 1000 बैल विक्रीसाठी आले होते. चांगल्या बैलजोडीला मोठी मागणी होती. बाजारात साधारण बैलजोडीची किंमत 70 हजार तर चांगल्या बैलजोडीची किंमत 1 लाख 80 हजार रुपयांपर्यंत होती.
गेल्या वर्षीच्या तुलनेत यंदा बैलांच्या किमतीत 15 ते 20 टक्क्यांनी वाढ झाली आहे. मशागतीच्या कामासाठी बैलांना पर्याय नसल्याने शेतकऱ्यांनी मोठ्या उत्साहात खरेदी झाली. बाजारात मोठी उलाढाल झाल्याने व्यापारी वर्गात आनंदाचे वातावरण दिसुन आले.
बाजारात उत्साह
बाजारात बैल बाजारामुळे छोट्या हॉटेलमधुनचहा, नाश्ता व कृषी औजार विक्री करणाऱ्या व्यावसायीकांचा चांगला धंदा झाला. खरीप हंगामाच्या तोंडावर पिंपळगाव रेणुकाईच्या बाजारात सकारात्मक उलाढाल झाल्याने बाजारात उत्साह दिसुन आला.
