Forest Department Conducts 'Surgical Strike' in Bhokardan; Timber Seized
जालना, पुढारी वृत्तसेवा : भोकरदन शहरातील संतोषी माता मंदिर परिसरात सुरू असलेल्या अवैध वृक्षतोडीविर-- ोधात वन विभागाने १ मे रोजी मोठी कारवाई केली. गोपनीय माहितीच्या आधारे टाकण्यात आलेल्या या छाप्यात सुमारे ८ टन बेकायदेशीर लाकूड जप्त करण्यात आले आहे. वन विभागाच्या या धडक कारवाईमुळे परिसरातील लाकूड तस्करांचे धाबे दणाणले असून खळबळ उडाली आहे.
झाडांची कत्तल आणि साठवणूक उघडगेल्या काही दिवसांपासून परिसरात झाडांची विनापरवाना बेसुमार कत्तल सुरू होती. याची माहिती मिळताच वन विभागाच्या पथकाने संतोषी माता मंदिर परिसरात छापा टाकला. या कारवाईत आंबा, निम (कडू लिंब) आणि भोकर या प्रजातींच्या झाडांची विनापरवाना तोड करून त्याची अवैध साठवणूक आणि वाहतूक केल्याचे उघड झाले.
पथकाने घटनास्थळावरून अंदाजे ३ टन गोल इमारती लाकूड आणि ५ टन जळाऊ - लाकूड असा एकूण ८ टन मुद्देमाल जप्त केला आहे. महाराष्ट्र वृक्ष अधिनियमांतर्गत गुन्हा दाखलया प्रकरणी महाराष्ट्र वृक्ष अधिनियम १९६४ अंतर्गत वन गुन्हा नोंद करण्यात आला आहे. वन अधिकाऱ्यांनी जप्त केलेल्या लाकडाचा रीतसर पंचनामा केला.
यात सामील असलेल्या संबंधितांवर कठोर कारवाईची प्रक्रिया सुरू करण्यात आली आहे. ही कारवाई उपवनसंरक्षक (छत्रपती संभाजीनगर) सुवर्णा माने आणि सहायक वनसंरक्षक (जालना) सुदाम मुंढे यांच्या मार्गदर्शनाखाली व वनपरीक्षेत्र अधिकारी नीता फुले यांच्या नेतृत्व-खाली वन परिमंडळ अधिकारी योगेश डोमळे, वनरक्षक आनंद वरशील, संभाजी हटकर, सुदाम राठोड आदींनी केली.
