Digital census in Jalna
जालना, पुढारी वृत्तसेवा जिल्ह्यात आगामी 'जनगणना २०२७' च्या पूर्वतयारीला वेग आला असून पहिल्या टप्प्यातील घर सूचीकरण आणि गृहनिर्माण गणनेचे काम लवकरच सुरू होणार आहे. जनगणना हे राष्ट्रीय महत्त्वाचे काम आहे. यात कोणतीही हलगर्जी खपवून घेतली जाणार नाही. तरी कामात कसूर करणाऱ्यांवर जनगणना अधिनियम मधील तरतुदींनुसार कठोर कायदेशीर कारवाई केली जाईल, अशी माहिती निवासी उपजिल्हाधिकारी तथा जिल्हा जनगणना अधिकारी शशिकांत हदगल यांनी दिली आहे.
२४ मार्च रोजी पार पडलेल्या महत्त्वपूर्ण व्हिडिओ कॉन्फरन्सिंग बैठकीत जनगणनेच्या नियोजनाचा आढावा घेण्यात आला. ही संपूर्ण प्रक्रिया डिजिटल स्वरूपाची असल्याने त्यात पारदर्शकता आणि अचूकतेवर भन देण्यात आला आहे. जिल्ह्यातील क्षेत्रीय प्रशिक्षकांचे प्रशिक्षण जिल्हाधिकार कार्यालयातील महसूल भवन येथे आयोजित करण्यात आले आहे.
हे प्रशिक्षण ६ ते ८ एप्रिल आणि ९ ते १० एप्रिल २०२६ या दोन टप्प्यांत पान पडणार आहे. सर्व नियुक्त कर्मचारी पर्यवेक्षक आणि प्रगणक यांची नोंदण सीएमएमएस पोर्टलवर करणे बंधनकारक आहे. एकदा नोंदणी झाल्यानंतर जन-गणनेचे काम पूर्ण होईपर्यंत त्यात कोणताही बदल करता येणार नाही, असे स्पष्ट करण्यात आले आहे.
कर्मचाऱ्यांचे मोबाईल क्रमांक, ई-मेल आणि पॅन कार्ड क्रमांक अत्यंत अचूक असणे आवश्यक आहे. संपूर्ण प्रणाली ओटीपी आधारित असल्याने माहितीतील छोटीशी चूकह प्रक्रियेत अडथळा ठरू शकते
