Car accident near Vadigodri while going to Pandharpur; 8 devotees injured
वडीगोद्री : पुढारी वृत्तसेवा
छत्रपती संभाजीनगरहून पंढरपूर येथे देवदर्शनासाठी जाणाऱ्या कारचा धुळे-सोलापूर राष्ट्रीय महामार्गावरील वडीगोद्री येथे दुभाजकाला धडकून अपघात झाला. यात कारमधील आठजण गंभीर जखमी झाले.
छत्रपती संभाजीनगर जिल्ह्यातील डोणगाव तांबे येथील तांबे कुटुंबीय पंढरपूर येथे देवदर्शनासाठी जात होते. यावेळी धुळे-सोलापूर राष्ट्रीय महामार्गावर जायकवाडी डावा कालव्याच्या कठड्याला धडकून कारचा अपघात झाला.
या कारच्या पाठीमागून येणाऱ्या भरधाव वाहनाने समोर असणाऱ्या कारला ओव्हरटेक केले. त्यावेळी कारचालकाचे नियंत्रण सुटून कार धुळे-सोलापूर राष्ट्रीय महामार्गावरील वडीगोद्री जवळील डावा कालव्याच्या कठड्याला धडकली. या अपघातात कारमधील आठजण जखमी झाले.
विष्णू हरीचंद्र तांबे (वय ५०) रा.डोणगाण तांबे ह.मु शिवाजीनगर छत्रपती संभाजीनगर
सरला विष्णू तांबे (४५)
हौसाबाई हरीचंद्र तांबे (७५)
मिरा रमेश लहाने (४५)
कौसाबाई भिमराव जाधव (६५) रा.कडेठाण,
वैभव विष्णू तांबे
चांदणी विष्णू तांबे
वैशाली विष्णू तांबे
भागुबाई कल्याण तांबे या सर्व जखमींवर पाचोड व छत्रपती संभाजी नगर येथील रुग्णालयात उपचार सुरू आहेत.
