A raid was conducted on a lodge in the bus stand area, and four women were rescued.
जालना, पुढारी वृत्तसेवा :
शहरातील बसस्टॅण्ड रोड परिसरातील एका लॉजमधे सुरू असलेल्या वेश्या व्यवसायावर अनैतिक मानवी वाहतूक प्रतिबंधक कक्षाच्या पथकाने धाड टाकून आठ पुरुष आरोपींना अटक करण्यात आली. या कारवाईत चार पीडित महिलांची सुटका करण्यात आली. या कारवाईमुळे परिसरात खळबळ उडाली आहे.
पोलिसांनी गुप्त बातमीदारामार्फत खात्रीलायक माहिती मिळाली की, लॉजचा मालक हा स्वतःच्या आर्थिक फायद्यासाठी बाहेरून महिलांना बोलावून त्यांच्याकडून वेश्या व्यवसाय करवून घेत आहे. मिळालेल्या माहितीची शहानिशा केल्यानंतर पोलीस अधीक्षक अजयकुमार बंसल यांनी तातडीने कार्यवाहीचे निर्देश दिले. त्यांच्या सुचनेनुसार पोलिस पथकाने लॉजवर छापा टाकला तेथे आठ आरोपी आढळून आले.
पथकाने घटनास्थळावरून १ लाख १ हजार २७० रुपयांचा मुद्देमाल जप्त केला. यो बाबत पोलिसउपनिरीक्षक गणेश शिंदे यांनी दिलेल्या फिर्यादीवरून सदर बाजार पोलिस ठाण्यात अनैतिक व्यापार प्रतिबंध अधिनियम १९५६ कलम ३, ४, ५, ६ अंतर्गत गुन्हा नोंदविण्यात आला आहे.
ही कारवाई अपर पोलीस आयुष नोपाणी, अधीक्षक उपविभागीय पोलीस अधिकारी अनंत कुलकर्णी यांच्या मार्गदर्शनाखाली पोउपनि रवी जोशी, जमादार कृष्णा देठे, महिला अंमलदार संगिता चव्हाण, पुष्पा खरटमल, आरती साबळे, रेणुका राठोड तसेच चालक अंमलदार संजय कुलकर्णी यांनी केली.
बसस्थानक परिसरात वेश्या व्यवसाय
जालना बसस्थानक परिसरात वेश्या व्यवसाय सुरु असल्याचे चित्र पहावयास मिळते. पोलिस अधूनमधून कारवाई करतात. त्यानंतरही हा व्यवसाय थांबत नसल्याचे पहावयास मिळत आहे. बसस्थानकातील प्रवाशांनाही याचा त्रास होत असल्याचे दिसत आहे.
