PNG Price Hike Creates Financial Squeeze for Industries; 39% Increase in Rates
छत्रपती संभाजीनगर, पुढारी वृत्तसेवा आखाती देशात भडकलेल्या युद्धाचा परिणाम इंधन दरांवर होत असून, या संघर्षामुळे पीएनजी (नैसर्गिक वायू) च्या दरात मोठी वाढ झाली आहे. या दरवाढीमुळे उद्योगांवर मोठा आर्थिक बोजा निर्माण झाला आहे. उद्योगांच्या मागणीच्या तुलनेत पीएनजी पुरवठा अपुरा असताना सुमारे ३९ टक्के दरवाढीने अनेक उद्योगांची आर्थिक कोंडी केली आहे.
अमेरिका-इराण-इस्रायल संघर्षामुळे जागतिक तणाव अद्यापही कायम आहे. यामुळे एलपीजी, पीएनजी पुरवठा बिस्कळीत होऊन किमतीत मोठी बाढ झाली आहे. याचा थेट परिणाम छत्रपती संभाजीनगर औद्योगिक वसाहतीमधील उद्योगांवर होत आहे.
एलपीजी गॅस मिळत नाहीं, पीएनजीचे दर सुमारे ३९ टक्क्यांनी वाढल्याने आर्थिक बोजा निर्माण होऊन उत्पादन क्षमतेवर याचा परिणाम झाल्याचे उद्योजकांनी म्हटले आहे.
मागणी अधिक पुरवठा कमी
येथील औद्योगिक क्षेत्रात सुमारे ७००-८०० उद्योग हे गॅसवर चालणाऱ्या भट्टद्यांवर अवलंबून असून, रोज सुमारे ७२ मेट्रिक टन इतका गॅस या उद्योगांना लागत असताना, प्रत्यक्ष पुरवठा मात्र अपुरा पडत आहे. व्यावसायिक गॅसचे उत्पादन सध्या बंद आहे. मात्र, रुग्णालयांसह आवश्यक सेवा, संस्थांना सिलिंडरद्वारे गॅसचा पुरवठा सुरू आहे.
