Government's Written Assurance for Kunbi Certificates: Manoj Jarange Patil
छत्रपती संभाजीनगर, पुढारी वृत्तसेवा हैदराबाद गॅझेटनुसार कुणबी प्रमाणपत्र देण्याच्या नियमांमध्ये बदल करण्याची सरकारकडून लेखी हमी मिळाली असून, मंगळवारपासून त्यासंदर्भातील आदेश काढण्याची प्रक्रिया सुरू होणार आहे. कुणाच्याही दबावाला बळी न पडता सरकार हे काम पूर्ण करेल आणि महिनाभरात सुधारित जीआर जारी केला जाईल, अशी माहिती मराठा आरक्षण आंदोलनाचे नेते मनोज जरांगे यांनी दिली.
मराठा समाजावर अन्याय होईल, असे कोणतेही पाऊल सरकारने उचलू नये, अन्यथा त्याचे परिणाम भोगावे लागतील, असा इशाराही त्यांनी दिला. शहरातील गॅलेक्सी रुग्णालयात उपचार सुरू असून, सोमवारी माध्यमांशी संवाद साधताना त्यांनी ही भूमिका स्पष्ट केली.
उपोषण का सोडले, असे विचारले असता जरांगे म्हणाले, माझ्या समाजबांधवांना माझ्या प्रामाणिकपणावर आणि इमानदारीवर विश्वास आहे. मी कधीही माघार घेतलेली नाही. सातारा संस्थानाबाबतचा जीआर लवकरच निघणार आहे. तसेच हैदराबाद गॅझेटसंदर्भातील सुधारित
मराठा आरक्षण उपसमितीचे अध्यक्ष राधाकृष्ण विखे पाटील यांनी याबाबत माहिती दिली आहे. ७०-८० वर्षे आरक्षण मिळाले नाही, आता एका महिन्यात त्या आरक्षणाचा मार्ग मोकळा करण्यात येणार आहे, असेही त्यांनी सांगितले. उपमुख्यमंत्री एकनाथ शिंदे यांनी उपोषणाबाबत भूमिका मांडली नाही, याबाबत विचारले असता ते म्हणाले, सरकारचा एक घटक म्हणून मी त्यांच्या बाबतीत बोलतो. उपमुख्यमंत्री शिंदे यांनी आरक्षणाबाबत भाष्य केले नसेल, तर त्यांनी दुर्लक्ष केले असे म्हणता येईल. कारण ते आता बदलले असतील; मात्र त्यांनी बदलू नये आणि तसा संदेश जनतेमध्ये जाऊ नये. धनंजय देशमुख यांच्यावरील गुन्ह्याबाबत बोलताना त्यांनी संबंधित तक्रार खोटी असल्याचा दावा केला.
